महिंद्रची गाडी घेताय? राहिले दोनच दिवस…

उत्पादन खर्चात झालेली वाढ आणि इतर खर्चांमधील वाढीचा एकत्रित परिणाम म्हणून वाहनांच्या किमती वाढवत असल्याचे किमतीतील या ताज्या वाढीचे कारण सांगताना कंपनीने नमूद केले आहे. महिंद्र अँड महिंद्र आपल्या ICE (अंतर्गत ज्वलन इंजिन) आधारित SUV आणि व्यावसायिक वाहनांच्या श्रेणीतील किमतीत २.५ टक्क्यांपर्यंत वाढ जाहीर केली आहे.

नुकत्याच सादर करण्यात आलेल्या ‘XUV7XO’ या मॉडेलच्या बाबतीत मात्र अपवाद करण्यात आला आहे. ग्राहकांनी बुकिंग केलेली पहिली ४०,००० वाहने ग्राहकांपर्यंत पोहोचल्यानंतर ही नवीन लागू केली जाण्याची शक्यता आहे, असे कंपनीने सांगितले.

टाटा मोटर्स, जेएसडब्ल्यू मोटर इंडिया, बीएमडब्ल्यू, ऑडी इंडिया आणि मर्सिडीज-बेंझ यांसारख्या विविध वाहन उत्पादक कंपन्यांनी, वाढत्या उत्पादन खर्चाच्या पार्श्वभूमीवर १ एप्रिलपासूनच आपल्या वाहनांच्या किमतीत वाढ केली आहे.

गुरुवारच्या सत्रात महिंद्र अँड महिंद्रचा समभाग १९.८० रुपयांनी घरून ३०११.७० रुपयांवर बंद झाला. सध्याच्या शेअरच्या बाजारभावानुसार कंपनीचे ३.७४ लाख कोटी रुपयांचे बाजारभांडवल आहे.

महिंद्र अँड महिंद्र प्रामुख्याने SUV (स्पोर्ट्स युटिलिटी व्हेईकल) आणि इलेक्ट्रिक वाहनांची विक्री करते. लोकप्रिय मॉडेल्समध्ये थार, स्कॉर्पिओ-एन, XUV700, XUV 3XO, आणि बोलेरो चा समावेश आहे, ज्यांची किंमत सुमारे ७.२८ लाख ते २६ लाख (एक्स-शोरूम) रुपयांदरम्यान आहे.

महिंद्रच्या प्रमुख गाड्या आणि अंदाजे सुरुवातीची किंमत (एक्स-शोरूम):
Mahindra XUV 3XO: ₹७.२८ लाख ते ₹७.३७ लाख
Mahindra Bolero: ₹७.९९ लाख – ₹८.७८ लाख
Mahindra Bolero Neo: ₹८.४९ लाख – ₹८.९२ लाख
Mahindra Thar (3-door): ₹९.९९ लाख
Mahindra Thar ROXX (5-door): ₹१२.२५ लाख – ₹१२.३९ लाख
Mahindra Scorpio N: ₹१३.२० लाख – ₹१३.४९ लाख
Mahindra Scorpio Classic: ₹१२.९८ लाख
Mahindra XUV700: ₹१३.६६ लाख
Mahindra XUV400 EV (Electric): ₹१५.४९ लाख

(टीप: या किमती बदलू शकतात. कृपया जवळच्या शोरूममध्ये भेट देऊन अचूक किंमत तपासा.)