निवडणुका संपल्या! पेट्रोल १० तर डिझेल १२ रुपयांनी महागले? पीआयबीने उघड केलं सत्य, काय आहेत आजचे दर?

काय आहे इंधन दरवाढीचं सत्य

सोशल मीडियावरील या दाव्यांची दखल घेत पीआयबी फॅक्ट चेकने याचे स्पष्टीकरण दिले आहे. व्हायरल होत असलेला तो आदेश पूर्णपणे बनावट आणि दिशाभूल करणारा असल्याचे सरकारने स्पष्ट केले आहे. केंद्र सरकारने इंधन दरात अशी कोणतीही वाढ केलेली नाही. नागरिकांनी केवळ अधिकृत स्रोतांवरच विश्वास ठेवावा, असे आवाहन करण्यात आले आहे.

देशातील प्रमुख शहरांमधील आजचे दर (३० एप्रिल २०२६)

महागाईची टांगती तलवार कायम

जरी आज दर वाढले नसले, तरी आंतरराष्ट्रीय बाजारात कच्चे तेल १२० डॉलरच्या पुढे गेल्याने भविष्यात दरवाढीचे संकट नाकारता येत नाही. इराण-अमेरिका तणावामुळे जागतिक पुरवठा साखळी विस्कळीत झाली असून, याचा ताण भारतीय रुपयावर आणि तेल कंपन्यांच्या नफ्यावर पडू शकतो.

कंपन्या तोट्यात विकतायेत पेट्रोल-डिझेल

कच्च्या तेलाच्या किमती भडकल्याने याचा मोठा फटका भारतीय तेल कंपन्यांना बसत आहे. त्यांना डिझेलच्या विक्रीवर प्रति लिटर १०० रुपये आणि पेट्रोलवर प्रति लिटर २० रुपये इतका प्रचंड तोटा सहन करावा लागत आहे. गेल्या वर्षी कच्च्या तेलाची सरासरी किंमत ७० डॉलर प्रति बॅरल होती, ती आता थेट १२० डॉलर प्रति बॅरलवर पोहोचली आहे. किमतींमधील या अफाट वाढीमुळे तेल कंपन्यांच्या नफ्यावर आणि आर्थिक स्थितीवर गंभीर परिणाम झाला आहे. सरकारने कंपन्यांवरील शुल्क कमी केले असले तरी तोटा भरून निघत नसल्याने भाववाढ होण्याची शक्यता तज्ज्ञांनी व्यक्त केली आहे. यापूर्वीच नायरा, शेल सारख्या खासगी तेल कंपन्यांनी पेट्रोल-डिझेलच्या किमतीत वाढ केली आहे.