Union Budget 2026 Top 5 Announcements : संपत्ती लपवणाऱ्यांसाठी अर्थसंकल्पात सुटकेचा मार्ग ते तीन कर्तव्यांची पूर्ती.. वाचा बजेट २०२६ च्या टॉप ५ घोषणा!

केंद्रीय अर्थमंत्री निर्मला सीतारमण म्हणाल्या की, आम्ही ५,००,००० पेक्षा जास्त लोकसंख्या असलेल्या शहरांमध्ये, म्हणजेच टियर २ आणि टियर ३ शहरांमध्ये पायाभूत सुविधांचा विकास करत राहू. २०२६-२७ मध्ये सार्वजनिक भांडवली खर्च १२.२ लाख कोटी रुपयांपर्यंत वाढवण्याचा त्यांचा प्रस्ताव आहे, असेही त्यांनी सांगितले.

२०२६ च्या केंद्रीय अर्थसंकल्पात आयकर भरण्याच्या प्रक्रियेत मोठे बदल जाहीर करताना अर्थमंत्र्यांनी सांगितले की, “मी रिटर्न सुधारण्यासाठी उपलब्ध असलेली वेळ ३१ डिसेंबर ते ३१ मार्च पर्यंत वाढवण्याचा प्रस्ताव मांडते, ज्यासाठी नाममात्र शुल्क आकारले जाते. मी कर रिटर्न भरण्याची वेळही बदलण्याचा प्रस्ताव मांडते. आयटीआर १ आणि आयटीआर २ असलेल्या व्यक्ती ३१ जुलैपर्यंत त्यांचे आयटीआर भरतील, तर ऑडिट नसलेल्या व्यवसायांना किंवा ट्रस्टना ३१ ऑगस्टपर्यंत वेळ दिला जाईल.”

२०२६-२७ चा केंद्रीय अर्थसंकल्प सादर करताना केंद्रीय अर्थमंत्री निर्मला सीतारामन म्हणाल्या, “आर्थिक वाढीला गती देण्यासाठी आणि ती टिकवून ठेवण्यासाठी, मी सहा क्षेत्रांमध्ये हस्तक्षेपाचा प्रस्ताव मांडत आहे – ७ धोरणात्मक क्षेत्रांमध्ये उत्पादन वाढवणे; पारंपरिक औद्योगिक क्षेत्रांना पुनरुज्जीवित करणे; यशस्वी एमएसएमई (सूक्ष्म, लघु आणि मध्यम उद्योग) तयार करणे; पायाभूत सुविधांना चालना देणे; दीर्घकालीन सुरक्षा आणि स्थिरता सुनिश्चित करणे; शहरी आर्थिक क्षेत्रांचा विकास करणे.”