गुंतवणूक संधी : बाजारात आली आहे ‘अर्थया एसआयएफ’

‘एसआयएफ’ हे सेबीने सुरू केलेले एक नवीन श्रेणीतील उत्पादन आहे, जे पारंपारिक म्युच्युअल फंड आणि पोर्टफोलिओ मॅनेजमेंट सर्व्हिसेस यांच्यातील दुवा म्हणून काम करते. यात किमान १० लाख रुपयांची गुंतवणूक आवश्यक ठरते. अधिक परिणामाभिमुख पोर्टफोलिओ शोधणाऱ्या गुंतवणूकदारांसाठी लवचिक व सानुकूल उपाय देण्याबाबत युनियन म्युच्युअल फंडाची बांधिलकी ‘अर्थया एसआयएफ’च्या अनावरणातून अधोरेखित होते.

संस्कृतमधील ‘अर्थ’ (संपत्ती) या शब्दावरून ‘अर्थया’ हे नाव घेतले असून त्याचा अर्थ ‘उद्दिष्ट-केंद्रित संपत्ती’असा अभिप्रेत आहे. भारतीय मूल्ये आणि आधुनिक दृष्टीकोन यांची सांगड घालत आणि गुंतवणूकदारांचा आर्थिक प्रवास दीर्घकालीन उद्दिष्टांशी सुसंगत ठेवत उद्दिष्ट-केंद्रित संपत्ती निर्मितीचे तत्वज्ञान या नावातून प्रतिबिंबित होते, असे याबाबत भाष्य करताना युनियन एएमसीचे मुख्य कार्यकारी अधिकारी मधु नायर म्हणाले. एआयएफसारख्या उच्च मूल्याच्या पर्यायांसारख्या वेगाने विकसित होत असलेल्या क्षेत्रातील या फंड घराण्याच्या प्रवेशाची ही पहिलीच पायरी आहे.