निफ्टी-५० कंपन्यांमधील पाचपैकी एका सीईओचे वेतन ५० कोटींपुढे; एचसीएल टेक देतेय सर्वाधिक वेतन

या अहवालानुसार, एचसीएल टेकच्या मुख्य कार्यकारी अधिकाऱ्यांनी वेतनाच्या बाबतीत निफ्टी-५० मधील सर्व सहकाऱ्यांना मागे टाकत अव्वल स्थान पटकावले आहे. गेल्या काही वर्षांत प्रवर्तक नसलेल्या सीईओंच्या वेतनात लक्षणीय वाढ झाली असून, त्यांचा परफॉर्मन्स-लिंक्ड बोनस आणि स्टॉक ऑप्शन्स यांमधील वाटा मोठा राहिला आहे. आयटी आणि अवजड उत्पादन क्षेत्रातील कंपन्यांच्या प्रमुखांचे मानधन इतर क्षेत्रांच्या तुलनेत सर्वाधिक असल्याचे दिसून आले आहे. आयटी क्षेत्र हे उच्च वेतनाच्या बाबतीत आघाडीवर असून एचसीएल टेक व्यतिरिक्त इन्फोसिस, टेक महिंद्रा आणि विप्रोंचा समावेश सर्वाधिक मानधन देणाऱ्या टॉप-१० कंपन्यांमध्ये झाला आहे. दुसरीकडे, एशियन पेंट्सच्या व्यवस्थापकीय संचालक आणि मुख्य कार्यकारी अधिकाऱ्यांच्या मानधनात सर्वाधिक म्हणजे १७९ टक्क्यांची वार्षिक वाढ नोंदवली गेली आहे. ही आतापर्यंतची सर्वात मोठी वेतनवाढ ठरली आहे.

आयटी क्षेत्रासोबतच पायाभूत सुविधा आणि ऑटो क्षेत्रातील दिग्गज कंपन्यांनीही आपल्या प्रमुखांवर पैशांचा वर्षाव केला आहे. यामध्ये एल अँड टी, महिंद्र अँड महिंद्र, बजाज ऑटो, जेएसडब्ल्यू स्टील, हिंदाल्को इंडस्ट्रीज आणि अल्ट्राटेक सिमेंट या कंपन्यांचा समावेश आहे. गेल्या काही वर्षांत प्रवर्तक नसलेल्या सीईओंच्या वेतनात लक्षणीय वाढ झाली असून, परफॉर्मन्स-लिंक्ड बोनस आणि स्टॉक ऑप्शन्सचा यामध्ये मोठा वाटा आहे.

कंपनीचे वाढते बाजारमूल्य, नफा आणि जागतिक स्तरावरील स्पर्धा यामुळे कॉर्पोरेट विश्वात सीईओंच्या वेतनाचा आलेख उंचावत चालला आहे. मात्र, सामान्य कर्मचाऱ्यांचे सरासरी वेतन आणि सर्वोच्च अधिकाऱ्यांचे वेतन यांमधील दरी वेगाने रुंदावत असल्याचेही या आकडेवारीवरून स्पष्ट होते.

एचसीएल टेक – सीईओ सी. विजयकुमार: सुमारे ९४.६ कोटी ते १५४ कोटी रुपये (भारतीय आयटी क्षेत्रातील आणि निफ्टी-५० मधील सर्वोच्च वेतन मानधन)

इन्फोसिस – सीईओ सलील पारेख: सुमारे ८०.६२ कोटी रुपये.

विप्रो – सीईओ श्रीनिवास पल्लिया सुमारे ५३.६४ कोटी रुपये.

टेक महिंद्र – सीईओ मोहित जोशी: सुमारे ५३.९ कोटी रुपये.

टीसीएस – सीईओ के. कृतीवासन: सुमारे २६.५२ कोटी रुपये.