मंदीतही ‘या’ शेअर्सचा १३% पर्यंत बंपर परतावा! घसरणीच्या काळात पोर्टफोलिओ कसा सांभाळायचा?

घसरणीत गुंतवणूकदाराने काय करावे?

युद्ध समाप्तीची घोषणा होऊन होर्मुझ सामुद्रधुनी लवकरच पूर्णपणे कार्यान्वयित होईल अशी अपेक्षा आहे. या युद्धात आखाती देशांचे भरपूर नुकसान झाले असून परिस्थिती पूर्व पदावर यायला अजून काही महीने लागतील. खनिज तेलाच्या अस्थिर किमती, डॉलरच्या तुलनेत रुपयाचे सतत होणारे अवमूल्यन, अमेरिकेचे भारतावरील वाढते दडपण आणि निर्बंध, परदेशी गुंतवणूकदारांची भारतीय बाजारपेठेकडे पाठ आणि जागतिक बाजारपेठेतील अस्थिर परिस्थिती यामुळे अजूनही भारतीय शेअरबाजारची तसेच इक्विटी म्युच्युअल फंडांची कामगिरी सुमार राहिल अशी चिन्हे आहेत. अशा अनिश्चित काळात साहजिकच सोने-चांदी तसेच फिक्स्ड डिपॉझिट्स आणि बॉन्ड याकडे गुंतवणूकदारांचा ओढा राहील. परंतु शेअरबाजारातील गुंतवणूक दीर्घकालीन असल्याने इक्विटीमधील गुंतवणूक संपत्ती निर्माण करते असा अनुभव आहे. त्यामुळेच प्रत्येक पडझडीत टप्प्याटप्प्याने उत्तम शेअरची खरेदी करत राहणे फायद्यचे ठरेल.

सुचवलेल्या समभागांचा वारंवार आढावा घेऊन ज्या समभागांचे मूलभूत घटक मजबूत आहेत, ते राखून ठेवा आणि जे कमकुवत आहेत त्यांचा स्टॉपलॉस करावा. संयम ठेवा. शेअरमधील गुंतवणूक ही एका वर्षाची चाचणी नसून, दीर्घकालीन संपत्ती निर्माण करण्याची प्रक्रिया आहे. त्यामुळे टिकून राहा, कारण दीर्घकाळातच समभागांचे आणि पोर्टफोलियोचे मूल्य ओळखले जाईल.

लेखक भांडवली बाजार विश्लेषक आहेत.

अस्वीकृती:- शेअर बाजारातील व्यवहार हे बाजारातील जोखमीच्या अधीन आहेत. अंदाज चुकल्यास मुद्दल गमावण्याची शक्यता असते हे टाळण्यासाठी ‘स्टॉप लॉस’ आणि इच्छीत लक्ष्य या संकल्पनांचे पालन करणे आवश्यक आहे. गुंतवणूक करण्यापूर्वी गुंतवणूकदारांनी आपल्या गुंतवणूक सल्लागाराचा सल्ला घेणे आवश्यक आहे.