निवडणूक निकालांच्या दिवशी बाजारात मोठी उसळी! सेन्सेक्स ७०० अंशांनी वधारला, कोणत्या शेअर्समध्ये तेजी?

कोणत्या शेअर्समध्ये तेजी?

सोमवारी ऑटो क्षेत्रात जोरदार खरेदी झाली. ज्यामुळे ऑटो निर्देशांक जवळपास १.७% नी वाढला. हीरो मोटोकॉर्प आणि मारुती सुझुकीसारख्या कंपन्यांच्या शेअर्समध्ये अनुक्रमे सुमारे २% आणि ४% नी मोठी वाढ दिसून आली. या कंपन्यांच्या दमदार मासिक विक्रीच्या आकडेवारीने गुंतवणूकदारांचा आत्मविश्वास वाढवला, ज्यामुळे या क्षेत्रात मोठी तेजी आली. तर हिंदुस्तान युनिलिव्हरचा शेअर ३.७०% च्या वाढीसह मजबूत झाला. अदानी पोर्ट्समध्ये ३% हून अधिक वाढ नोंदवली गेली. तर एल अँड टी आणि एम अँड एम या कंपन्यांच्या शेअर्समध्ये २ ते २.५% दरम्यान वाढ पाहायला मिळाली.

कोणत्या शेअर्सवर दबाव?

तेजीच्या वातावरणातही काही शेअर्समध्ये घसरण पाहायला मिळाली. यात कोटक बँकेत सर्वाधिक ३.०७% ची घसरण झाली. तर दिग्गज आयटी कंपनी टीसीएस आणि टायटनचे शेअर सुमारे ०.०६% ते ०.२५% ने कमकुत झाले.

राजकीय निकालांपेक्षा ‘या’ गोष्टी महत्त्वाच्या

• जियोजीत इन्व्हेस्टमेंटचे तज्ज्ञ डॉ. व्ही. के. विजय कुमार यांच्या मते, निवडणुकीच्या निकालांचा बाजारावर केवळ तात्पुरता आणि भावनिक परिणाम होतो. मात्र, खरे परिणाम करणाऱ्या घटकांकडे गुंतवणूकदारांनी लक्ष ठेवायला पाहिजे.
• कच्चे तेल : पश्चिम आशियातील तणाव निवळल्यामुळे ब्रेंट क्रूडचे भाव १०८ डॉलर प्रति बॅरलपर्यंत खाली आले आहेत, जे भारतीय बाजारासाठी सकारात्मक आहेत.
• FII ची विक्री : परदेशी संस्थागत गुंतवणूकदार भारतात विक्री सुरूच ठेवण्याची शक्यता आहे. हे गुंतवणूकदार निवडणुकीच्या निमित्ताने येणाऱ्या तेजीचा फायदा घेऊन शेअर्सची विक्री करू शकतात.
• AI ट्रेडचा प्रभाव : जागतिक स्तरावर ‘एआय ट्रेड’ची लाट असल्याने लार्जकॅप शेअर्सवर दबाव राहू शकतो आणि गुंतवणूकदारांचा कल मिड-कॅप व स्मॉल-कॅप शेअर्सकडे अधिक असेल.

शेअर बाजारातील गुंतवणूक ही जोखमीच्या अधीन असते. कोणताही निर्णय घेण्यापूर्वी तुमच्या नोंदणीकृत आर्थिक सल्लागाराचा सल्ला नक्की घ्या. वरील माहिती केवळ शैक्षणिक आणि विश्लेषणात्मक उद्देशाने दिली आहे.