टाटा सन्सच्या बैठकीकडे कॉर्पोरेट विश्वाचे लक्ष; नेतृत्व आणि भविष्यातील रणनीतीवर चर्चा शक्य

या अहवालानुसार, टाटा ट्रस्ट्सचे अध्यक्ष नोएल टाटा आणि टाटा सन्स व्यवस्थापन यांच्यात समूहाच्या काही तोट्यातील व्यवसायांबाबत विचारमंथन सुरू आहे. मुख्यत्वे ‘एयर इंडिया’ आणि ‘टाटा डिजिटल’ या उपक्रमांना पूर्वपदावर आणणे आणि त्यांच्यासाठी लागणाऱ्या भांडवलाचे नियोजन यावर भागधारकांचे लक्ष केंद्रित राहील. याशिवाय, रिझर्व्ह बँकेच्या नियमांनुसार टाटा सन्सची शेअर बाजारातील नोंदणी टाळून कंपनी खासगी ठेवण्यावरही महत्त्वपूर्ण चर्चा होण्याची शक्यता आहे.

गेल्या आर्थिक वर्षात टाटा सन्सने उत्तम आर्थिक कामगिरी नोंदवली असली, तरी समूहाचा महसूल मुख्यत्वे ‘टीसीएस’कडून मिळणाऱ्या लाभांशावर अवलंबून आहे. यामुळेच भविष्यातील नवीन उपक्रमांमध्ये होणाऱ्या भांडवली गुंतवणुकीबाबत भागधारक नेमकी काय भूमिका घेतात, याला मोठे महत्त्व प्राप्त झाले आहे.

वार्षिक बैठकीच्या या घडामोडींमुळे गुंतवणूकदारांमध्ये उत्सुकता निर्माण झाली आहे. टाटा समूहाचे भविष्यातील डिजिटल आणि एअरलाइन क्षेत्रातील पाऊल, तसेच उच्चस्तरीय नेतृत्वाबाबत स्पष्टता मिळण्याच्या दृष्टीने ही बैठक महत्त्वाची आहे. एन. चंद्रशेखरन यांच्या उत्तरधिकाऱ्याच्या शोधासाठी निवड समिती गठित करण्याच्या प्रक्रियेला गती देणे आणि उच्चस्तरीय नेतृत्वाबाबत स्पष्टता आणणे, या दृष्टीने ही वार्षिक सर्वसाधारण बैठक टाटा समूहाच्या भविष्यासाठी अत्यंत निर्णायक ठरणार आहे