Uday Kotak: इराण-अमेरिका युद्ध म्हणजे 'नवा वसाहतवाद'; ट्रम्प यांच्या विधानावर कोटक यांची सडकून टीका

Uday Kotak New Colonialism Speech 2026: ज्येष्ठ बँकर उदय कोटक यांनी फिक्कीच्या (FICCI) कार्यक्रमात बोलताना इराण-अमेरिका संघर्षावरून जगाला सावध केले आहे.

Uday Kotak speaking at FICCI event Mumbai | New world colonialism warning by Uday Kotak | Donald Trump Strait of Hormuz control statement | उदय कोटक यांचा जागतिक वसाहतवादाचा इशारा

जागतिक सत्तासंघर्षावर उदय कोटक यांनी व्यक्त केली चिंता. (Photo: Reuter)

Uday Kotak warning on new world order economic control trade routes: पश्चिम आशियातील इराण आणि इस्रायल-अमेरिका संघर्ष हा ‘जागतिक वसाहतवादाचा नवा टप्पा’ असू शकतो, असा इशारा ज्येष्ठ बँकर उदय कोटक यांनी दिला आहे. मुंबईत फिक्कीच्या कार्यक्रमात बोलताना त्यांनी विसाव्या शतकातील जागतिक व्यवस्थेशी याची तुलना केली. अमेरिका-इस्रायल आणि इराणमधील तणाव हा केवळ युद्ध नसून आर्थिक आणि धोरणात्मक नियंत्रणातून बदलणारी जागतिक सत्तेची रचना असल्याचे त्यांनी नमूद केले.

“आपण एका अत्यंत महत्त्वाच्या वळणावर आहोत. जागतिक वसाहतवादाचे पुनरागमन होत आहे, ही अशी गोष्ट आहे ज्याविरुद्ध फिक्कीने (FICCI) १९२७ ते १९४७ या काळात लढा दिला होता”, असे कोटक यांनी म्हटले. तसेच त्यांनी पुष्टी केली की, त्यांची ही निरीक्षणे कोणत्याही राजकीय भूमिकेपेक्षा जागतिक स्तरावरील चर्चांवर आधारित आहेत.

अमेरिकेचे राष्ट्राध्यक्ष डोनाल्ड ट्रम्प यांनी हॉर्मुझची सामुद्रधुनीवर नियंत्रित मिळवण्याबाबत केलेल्या विधानावर भाष्य करताना कोटक म्हणाले की, असे प्रस्ताव “खरा वसाहतवाद” दर्शवतात आणि ही १९४५ पूर्वीच्या जागतिक स्थितीकडे परत जाण्याची चिन्हे आहेत.

कोटक यांनी उघडपणे ट्रम्प यांच्या त्या विधानाचा संदर्भ दिला ज्यामध्ये त्यांनी सुचवले होते की, “जो युद्ध जिंकेल, तोच लूट (संपत्ती) स्वतःकडे ठेवेल” आणि अमेरिका हॉर्मुझच्या सामुद्रधुनीवर नियंत्रण मिळवण्यासाठी शुल्क आकारू शकते, जो जागतिक तेल वाहतुकीचा एक अत्यंत महत्त्वाचा मार्ग आहे.

त्यांनी इशारा दिला की जग आता अशा टप्प्याकडे सरकत आहे जिथे व्यापार मार्गांवरचे नियंत्रण आणि आर्थिक प्रभाव या गोष्टी भू-राजकीय वर्चस्व ठरवतील.

हेही वाचा

युद्धामुळे सेबीकडून कंपन्यांना दिलासा; आयपीओबाबत घेतला मोठा निर्णय

देशांतर्गत आघाडीवर, कोटक यांनी भारताच्या “मिडल मॅन्युफॅक्चरिंग” (मध्यम उत्पादन) क्षेत्राला बळकट करण्याच्या गरजेवर भर दिला. यामध्ये त्यांनी १०० कोटी ते १०,००० कोटी रुपयांच्या दरम्यान गुंतवणूक करणाऱ्या कंपन्यांचा उल्लेख केला आणि या विभागाला देशाच्या औद्योगिक परिसंस्थेतील सर्वात कमकुवत दुवा म्हटले.

“हे असे क्षेत्र आहे जिथे भारताने दीर्घकालीन लवचिकता निर्माण करण्यासाठी आणि ‘आत्मनिर्भर भारत’ हे ध्येय साध्य करण्यासाठी आपली क्षमता वाढवली पाहिजे”, असे कोटक यांनी म्हटले.

कोटक यांनी पुढे असेही नमूद केले की, या क्षेत्राला चालना दिल्यास औद्योगिक क्षमता अधिक सखोल होईल आणि बाह्य देशांवरील अवलंबित्व कमी होईल.

वाढत्या अनिश्चित जागतिक वातावरणात आपली स्पर्धात्मकता वाढवण्यासाठी मोठ्या कॉर्पोरेट कंपन्यांनी संशोधन, विकास आणि नवोपक्रम (Innovation) यांमधील गुंतवणूक वाढवावी, असे आवाहनही त्यांनी यावेळी केले.