News Flash

ग्रामीण विकासविषयक पदविका अभ्यासक्रम

नॅशनल इन्स्टिटय़ूट ऑफ रूरल मॅनेजमेंट येथे उपलब्ध असणाऱ्या ग्रामीण विकासविषयक पदव्युत्तर पदविका

| October 28, 2013 07:36 am

नॅशनल इन्स्टिटय़ूट ऑफ रूरल मॅनेजमेंट येथे उपलब्ध असणाऱ्या ग्रामीण विकासविषयक पदव्युत्तर पदविका अभ्यासक्रमामध्ये प्रवेश देण्यासाठी घेण्यात येणाऱ्या राष्ट्रीय स्तरावरील प्रवेश-पात्रता परीक्षेसाठी प्रवेश अर्ज मागविण्यात येत आहेत.
अभ्यासक्रमाचा कालावधी व तपशील : या अभ्यासक्रमाचा कालावधी जानेवारी २०१४ ते डिसेंबर २०१४ असा वर्षभराचा आहे.
आवश्यक शैक्षणिक पात्रता : अर्जदार कुठल्याही विषयातील पदवीधर असावेत वा पदवी परीक्षेला बसलेले असावेत आणि त्यांना ग्रामीण विकासविषयक कामात रुची असायला हवी.
निवड प्रक्रिया : अर्जदारांपैकी पात्रताधारक विद्यार्थ्यांची लेखी निवड परीक्षा घेण्यात येईल.  ही निवड परीक्षा देशांतर्गत निर्धारित परीक्षा केंद्रावर २४ नोव्हेंबर २०१३ रोजी घेण्यात येईल.
संबंधित विद्यार्थ्यांची पदवी परीक्षेतील गुणांची टक्केवारी व लेखी निवड परीक्षेतील गुणांकाच्या आधारे विद्यार्थ्यांना या अभ्यासक्रमाला प्रवेश देण्यात येईल.
अर्जाचा नमुना व तपशिलासाठी संपर्क : अर्जाचा नमुना व तपशिलासाठी नॅशनल इन्स्टिटय़ूट ऑफ रुरल मॅनेजमेंट, हैद्राबादच्या दूरध्वनी क्र. ०४०-२४००८५२२ वर संपर्क साधावा अथवा इन्स्टिटय़ूटच्या www.nird.ong.in/pgdrdw  या संकेतस्थळाला भेट द्यावी.
अर्जासह पाठवायचे शुल्क : अर्जदार सर्वसाधारण गटातील असल्यास त्यांनी आपल्या अर्जासह ५०० रु.चा (राखीव गटातील उमेदवारांनी ३०० रु.चा) एनआयआरडी-पीजीडीआरएम यांच्या नावे असणारा व हैद्राबाद येथे देय असणारा डिमांड ड्राफ्ट पाठविणे आवश्यक आहे.
अर्ज पाठविण्याचा पत्ता व शेवटची तारीख : विहित नमुन्यातील संपूर्णपणे भरलेले व आवश्यक तो तपशील आणि कागदपत्रांसह असणारे अर्ज दि को-ऑर्डिनेटर (अ‍ॅडमिशन्स), सेंटर फॉर पोस्ट ग्रॅज्युएट स्टडीज, नॅशनल इन्स्टिटय़ूट ऑफ रुरल डेव्हलपमेंट, राजेंद्रनगर, हैद्राबाद ५०००३० (आंध्र प्रदेश) या पत्त्यावर ११ नोव्हेंबर २०१३ पर्यंत पोहोचतील अशा बेताने पाठवावेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 28, 2013 7:36 am

Web Title: diploma courses in rural development
टॅग : Rural Development
Next Stories
1 रसायनशास्त्राला शास्त्रीय बैठक देणारा शास्त्रज्ञ
2 बारावीनंतर काय?
3 नृत्यसाधना
Just Now!
X