नॅशनल ब्रेन रिसर्च सेंटर, गुरगाव येथे न्यूरोसायन्स विषयातील एमएस्सी व पीएचडी या संशोधनपर अभ्यासक्रम उपलब्ध आहेत. या अभ्यासक्रमांना २०१८ या सत्रात प्रवेश देण्यासाठी खालीलप्रमाणे प्रवेश अर्ज मागविण्यात येत आहेत. एमएस्सी अभ्यासक्रम- अर्जदार जीवशास्त्र विषयातील पदवीधर असावेत. त्यांचा शैक्षणिक आलेख चांगला असावा व त्यांनी जॉइंट ग्रॅज्युएट एन्ट्रन्स एक्झामिनेशन फॉर बायोलॉजी अॅण्ड इंटरडिसिप्लिनरी सायन्सेस ही प्रवेश पात्रता परीक्षा दिलेली असावी. विशेष सूचना- निवड झालेल्या विद्यार्थ्यांना एमएस्सी अभ्यासक्रमानंतर त्याच विषयात संशोधनपर पीएचडी करण्याची मुभा असेल. संशोधनपर पीएचडी- अर्जदार जीवशास्त्र वा तत्सम विषयातील एमएस्सी असावेत. त्यांचा शैक्षणिक आलेख चांगला असावा व त्यांनी खालीलपैकी कुठलीही एक प्रवेश पात्रता परीक्षा दिलेली असावी. जॉइंट ग्रॅज्युएट एन्ट्रन्स एक्झामिनेशन फॉर बायोलॉजी अॅण्ड इंटरडिसिप्लिनरी लाइफ सायन्सेस. ग्रॅज्युएट अॅप्टिटय़ूड टेस्ट इन इंजिनीअरिंग (गेट २०१७ अथवा गेट २०१८) जॉइंट एन्ट्रन्स स्क्रीनिंग टेस्ट (जेट २०१८) ज्युनिअर रिसर्च फेलोशिप (जेआरएफ) ही सीएसआयआर, युजीसी, डीबीटी अथवा आयसीएमआर द्वारा घेण्यात आलेली प्रवेश पात्रता परीक्षा. अधिक माहिती व तपशिलासाठी संपर्क- वरील अभ्यासक्रमांच्या संदर्भात अधिक माहिती व तपशिलासाठी ‘एम्प्लॉयमेंट न्यूज’च्या १४ ते २० ऑक्टोबर २०१७ च्या अंकातील नॅशनल ब्रेन रिसर्च सेंटरची जाहिरात पाहावी अथवा सेंटरच्या या संकेतस्थळाला भेट द्यावी. अर्ज करण्याची शेवटची तारीख व पत्ता- संपूर्णपणे भरलेले प्रवेश अर्ज नॅशनल ब्रेन रिसर्च सेंटर, मनेसर १२२०५१ (जि. गुरगाव) हरियाणा या पत्त्यावर ३१ डिसेंबर २०१७ पर्यंत पोहोचतील अशा बेताने पाठवावेत.
