भारतीय विद्यार्थ्यांना विदेशातील शिक्षणासाठी खाली नमूद केल्यानुसार शिष्यवृत्तीच्या अनेक संधी उपलब्ध आहेत-लॉरेल युनेस्को स्कॉलरशिप्स खास महिलांसाठी असणारी ही शिष्यवृत्ती युनेस्को व इंडियन नॅशनल कमिशन फॉर को-ऑपरेशन यांच्या मदतीने विद्यार्थिनींच्या विज्ञान विषयांतर्गत अभ्यासक्रमासाठी देण्यात येते.आवश्यक पात्रता : अर्जदार विद्यार्थिनींनी बारावीची परीक्षा विज्ञान विषयासह उत्तीर्ण केलेली असावी. त्यांची शैक्षणिक कारकीर्द उत्तम असावी. अर्जदारांचे वय १९ वर्षांहून अधिक नसावे.शिष्यवृत्तींची संख्या व तपशील : योजनेअंतर्गत ५० विद्यार्थिनींना अडीच लाख रुपयांची शिष्यवृत्ती देण्यात येईल. अधिक माहितीसाठी संपर्क : www.foryoungwomeninscience.com.ऑक्सफोर्ड विद्यापीठाची ऱ्होडस् स्कॉलरशिप ही शिष्यवृत्ती इंग्लंडच्या ऑक्सफर्ड विद्यापीठातर्फे जागतिक स्तरावरील उच्च शिक्षणासाठी देण्यात येते. या योजनेअंतर्गत विभिन्न देशांतील विद्यार्थ्यांना ऑक्सफर्ड विद्यापीठात उपलब्ध असणाऱ्या पदव्युत्तर अभ्यासक्रमांसाठी देण्यात येते.उपलब्ध शिष्यवृत्तीची संख्या व तपशील : या योजनेअंतर्गत १४ देशांतील ८४ विद्यार्थ्यांना त्यांच्या पदव्युत्तर शिक्षणासाठी प्रवास खर्चाशिवाय वार्षिक १३,३९० डॉलर्सची शिष्यवृत्ती देण्यात येते.आवश्यक पात्रता : अर्जदार कुठल्याही विषयातील पदवीधर असावेत. त्यांचा शैक्षणिक आलेख चांगला असावा व त्यांचे वय १८ ते २८ वर्षांच्या दरम्यान असायला हवे. अधिक माहितीसाठी संपर्क : rhodeshouse.ox.ac.vk या संकेतस्थळाला भेट द्यावी.
