कर्मचारी निवड आयोगातर्फे केंद्र सरकारचे विविध विभाग आणि आस्थापनांमध्ये स्टेनोग्राफर म्हणून निवड करण्यासाठी घेण्यात येणाऱ्या स्टेनोग्राफर निवड परीक्षा : २०१४ साठी पात्रताधारक उमेदवारांकडून अर्ज मागविण्यात येत आहेत.प्रवेशजागा : ५३४ शैक्षणिक पात्रता : बारावीची परीक्षा उत्तीर्ण. लघुलेखनाची १०० शब्द प्रतिमिनिट पात्रता उत्तीर्ण. संगणकाचे ज्ञान आवश्यक.वयोमर्यादा : उमेदवारांचे वय २७ वर्षांहून अधिक नसावे. वयोमर्यादेची अट राखीव गटातील उमेदवारांसाठी शिथिलक्षम आहे. निवड प्रक्रिया : अर्जदारांपैकी पात्रताधारक उमेदवारांना लेखी निवड परीक्षेसाठी बोलाविण्यात येईल. ही निवड परीक्षा देशांतर्गत निवडक परीक्षा केंद्रांवर १४ सप्टेंबर २०१४ रोजी घेण्यात येईल व त्यामध्ये महाराष्ट्रातील औरंगाबाद, मुंबई, कोल्हापूर, नागपूर, पुणे, नाशिक व अमरावती या परीक्षा केंद्रांचा समावेश असेल. लेखी निवड परीक्षेत निवड झालेल्या उमेदवारांना मुलाखतीसाठी बोलावण्यात येऊन त्याआधारे नेमणूक करण्यात येईल.अर्जासह भरावयाचे शुल्क : अर्जासह १०० रु. निर्धारित टपालघरांमध्ये उपलब्ध असणाऱ्या सेंट्रल रिक्रूटमेंट स्टॅम्पच्या स्वरूपात भरणे आवश्यक आहे.अर्जाचा नमुना व तपशिलासाठी ‘एम्प्लॉयमेंट न्यूज’च्या ३१ मे ते ६ जून २०१४ च्या अंकात प्रकाशित झालेली कर्मचारी निवड आयोगाची जाहिरात पाहावी.अर्ज पाठविण्याचा पत्ता: महाराष्ट्रातील उमेदवारांनी अर्ज क्षेत्रीय निदेशक (पश्चिम क्षेत्र), कर्मचारी निवड आयोग, पहिला मजला, साऊथ विंग, प्रतिष्ठा भवन, १०१, महर्षी कर्वे मार्ग, मुंबई-४०० ०२० या पत्त्यावर २७ जून २०१४ पर्यंत पाठवावे.
