पश्चिम बंगालच्या कल्याणी येथील नॅशनल डेअरी रिसर्च इन्स्टिटय़ूट येथे घेण्यात येणाऱ्या पशुचिकित्सा व दुग्धोत्पादन विषयातील पदविका अभ्यासक्रमात प्रवेश देण्यासाठी पात्रताधारक विद्यार्थ्यांकडून अर्ज मागविण्यात येत आहेत-आवश्यक शैक्षणिक पात्रता : अर्जदार विद्यार्थ्यांनी दहावीची परीक्षा उत्तीर्ण केलेली असावी अथवा ते दहावीच्या शालान्त परीक्षेला बसलेले असावेत.वयोगट : अर्जदारांचे वय १५ ते २१ वर्षांच्या दरम्यान असायला हवे.निवड पद्धती : अर्जदारांपैकी पात्रताधारक विद्यार्थ्यांना लेखी निवड परीक्षेसाठी बोलाविण्यात येईल. ही निवड परीक्षा निवडक परीक्षा केंद्रांवर १८ जून २०१४ रोजी घेण्यात येईल.संबंधित विद्यार्थ्यांची शालान्त परीक्षेतील गुणांची टक्केवारी व निवड परीक्षेतील गुणांकाच्या आधारे त्यांना या अभ्यासक्रमात प्रवेश देण्यात येईल.अर्ज व माहितीपत्रक : अर्ज व माहितीपत्रक घरपोच हवे असल्यास ६०० रु.चा ‘ईआरएस ऑफ एनडीआरआय’च्या नावे असणारा व कल्याणी येथे देय असलेला डिमांड ड्राफ्ट विनंती अर्जासह संस्थेच्या कार्यालयात पाठवावा.अधिक माहिती व तपशिलासाठी संपर्क : अभ्यासक्रमाच्या संदर्भात अधिक माहिती व तपशिलासाठी ‘एम्प्लॉयमेंट न्यूज’च्या ६ ते ११ एप्रिल २०१४ च्या अंकात प्रकाशित झालेली नॅशनल डेअरी रिसर्च इन्स्टिटय़ूट जाहिरात पाहावी अथवा इन्स्टिटय़ूटच्या या संकेतस्थळाला भेट द्यावी.अर्ज पाठविण्याचा पत्ता व शेवटची तारीख : विहित नमुन्यातील संपूर्णपणे भरलेले व आवश्यक तो तपशील आणि कागदपत्रांसह असणारे प्रवेश अर्ज इन्चार्ज, अॅकेडॅमिक सेल, नॅशनल डेअरी रिसर्च इन्स्टिटय़ूट, ईस्टर्न रिजनल स्टेशन, ए- १२ ब्लॉक, कल्याणी जि. नडिया ७४१ २३५ (प. बंगाल) या पत्त्यावर १९ मे २०१४ पर्यंत पोहोचतील अशा बेताने पाठवावेत.
