इंडियन इन्स्टिटय़ूट ऑफ टेक्नॉलॉजी, खडगपूर येथे निवासी स्वरूपात उपलब्ध असणाऱ्या एलएलएम या २ वर्षे कालावधीच्या पदव्युत्तर पदवी अभ्यासक्रमाची प्रवेशप्रक्रिया सुरू झाली आहे.अभ्यासक्रमातील विषयअभ्यासक्रमातील समाविष्ट विषयांमध्ये प्रामुख्याने इंटलेक्च्युअल प्रॉपर्टी लॉ, कॉर्पोरेट लॉ, इंटरनॅशनल लॉ, कॉन्स्टिटय़ुशनल लॉ, कॉम्पिटिशन लॉ, क्रिमिनल लॉ व टॅक्सेशन लॉ इत्यादी विषयांचा समावेश आहे.शैक्षणिक अर्हताअर्जदारांनी तीन अथवा पाच वर्षे कालावधीचा कायदा विषयातील पदवी अभ्यासक्रम किमान ६० टक्के गुणांसह पूर्ण केलेला असावा. त्यांचा शैक्षणिक आलेख चांगला असावा.निवड पद्धतीअर्जदारांपैकी पात्रताधारक उमेदवारांना लेखी निवड परीक्षेसाठी बोलाविण्यात येईल. ही निवड परीक्षा देशांतर्गत निवडक परीक्षा केंद्रांवर २३ मे २०१५ रोजी घेण्यात येईल. उमेदवारांची पात्रता परीक्षेतील गुणांची टक्केवारी आणि लेखी निवड परीक्षेतील गुणांकाच्या आधारे समूह चर्चा व मुलाखतीसाठी बोलावण्यात येईल आणि त्या आधारे त्यांची अभ्यासक्रमासाठी निवड करण्यात येईल.अधिक माहिती अभ्यासक्रमाच्या संदर्भात अधिक माहितीसाठी आयटीआय-खडगपूरच्या अथवा या संकेतस्थळाला भेट द्यावी.अर्ज पाठविण्याची मुदतविहित नमुन्यातील संपूर्ण भरलेले आणि कागदपत्रांसह असणारे प्रवेशअर्ज, राजीव गांधी स्कूल ऑफ इंटलेक्च्युअल प्रॉपर्टी लॉ, इंडियन इन्स्टिटय़ूट ऑफ टेक्नॉलॉजी, खडगपूर या पत्त्यावर ११ मे २०१५ पर्यंत पाठवावेत.