एसयू फाऊंडेशन ऑफ इंडियातर्फे निवडक पदवीधर विद्यार्थ्यांना त्यांच्या पदव्युत्तर अभ्यासक्रमासाठी देण्यात येणाऱ्या शैक्षणिक शिष्यवृत्तीसाठी घेण्यात येणाऱ्या परीक्षेसाठी खाली नमूद केल्याप्रमाणे पात्रताधारक विद्यार्थ्यांकडून अर्ज मागविण्यात येत आहेत - शिष्यवृत्तींची संख्या व तपशील : एकूण उपलब्ध शिष्यवृत्तींची संख्या २० असून या शिष्यवृत्ती अभियांत्रिकी, तंत्रज्ञान व वैद्यकशास्त्र या विषयातील पदव्युत्तर पदवी अभ्यासक्रमांसाठी देण्यात येतील. आवश्यक शैक्षणिक पात्रता : अर्जदारांनी अभियांत्रिकी, तंत्रज्ञान वा वैद्यकशास्त्र यांसारख्या विषयातील पदवी परीक्षा चांगल्या शैक्षणिक आलेखासह उत्तीर्ण केलेली असावी व त्यांनी याच विषयातील पदव्युत्तर अभ्यासक्रमांमध्ये प्रवेश घेतलेला असावा. निवड पद्धती : अर्जदारांपैकी पात्रताधारक विद्यार्थी- अर्जदारांची लेखी निवड परीक्षा घेण्यात येईल. ही निवड परीक्षा राष्ट्रीय स्तरावर देशांतर्गत निवडक शहरांमधील परीक्षा केंद्रावर संगणकीय पद्धतीने २५ जानेवारी २०१४ रोजी घेण्यात येईल. अर्जदारांची पदवी परीक्षेतील गुणांची टक्केवारी व संगणकीय निवड परीक्षेतील गुणांकाच्या आधारे त्यांची वरील शिष्यवृत्तीसाठी अंतिम निवड करण्यात येईल. शिष्यवृत्तीची रक्कम व तपशील : योजनेअंतर्गत निवड झालेल्या विद्यार्थ्यांना त्यांच्या पदव्युत्तर अभ्यासक्रमाच्या कालावधीसाठी त्यांचा संबंधित अभ्यासक्रम व शैक्षणिक आलेखानुसार २५ हजार ते ५० हजार रुपयांची शिष्यवृत्ती देण्यात येईल. अधिक माहिती व तपशिलासाठी संपर्क : या शिष्यवृत्ती योजनेच्या संदर्भात अधिक माहिती व तपशिलासाठी ‘एसयू फाऊंडेशन ऑफ इंडिया’ अंतर्गत नेहान एज्युकेशन अँड स्कॉलरशिप ट्रस्टच्या ६६६.ल्ली२३.ल्ली३.्रल्ल या संकेतस्थळाला भेट द्यावी. अर्ज करण्याची पद्धत व शेवटची तारीख : संगणकीय पद्धतीने वरील संकेतस्थळावर अर्ज करण्याची शेवटची तारीख ३१ ऑक्टोबर २०१३.अभियांत्रिकी, तंत्रज्ञान वा वैद्यकशास्त्र विषयातील पदवीधर विद्यार्थ्यांना त्याच्या पदव्युत्तर अभ्यासक्रमासाठी या शिष्यवृत्ती योजनेचा लाभ घेता येईल.