Career in Theater : लाइट, कॅमेरा, ॲक्शन! हे तीन शब्द ऐकले ती नाटकाची आठवण येते. चित्रपट आणि मालिकांमध्ये काम करण्यापूर्वी नाटकाचा अनुभव घेणे खूप जास्त गरजेचे आहे. अनेक लोक नाटकामध्ये काम करायची इच्छा यासाठी दाखवतात कारण त्यांना मालिकेत किंवा चित्रपटात काम करायचे असते पण तुम्हाला माहिती आहे का, जरी तुम्हाला अभिनय येत नसेल तरी सुद्धा तुम्ही नाटकांमध्ये चांगले करिअर करू शकता. आज आपण नाट्यविश्वातील काही महत्त्वाच्या जबाबदाऱ्यांविषयी जाणून घेणार आहोत ज्यांचे नाट्यविश्वात मोठे योगदान आहे आणि तुम्ही त्यात करिअर करू शकता. स्टेज मॅनेजर (Stage Manager) नाटकांमध्ये स्टेज मॅनेजर खूप महत्त्वाची भूमिका पार पाडतो. दररोजचे महत्त्वाचे इव्हेंट्स, नाटकाच्या तारखा, सर्वांची सुव्यवस्था, नाटका पूर्वी आणि नंतरच्या सर्व गोष्टी हाताळतो. ते कलाकार आणि इतर क्रू सदस्यांशी संपर्क साधतो आणि समन्वय साधतो. नाटक सुरळीत यशस्वी पार पाडण्याची जबाबदारी त्याच्याकडे असते. फाइट कोरियोग्राफर (Fight Choreographer) आपण चित्रपटांमध्ये जे स्टंट किंवा फाइट सीन पाहतो, ते स्टंटमॅन करतात पण नाटकामध्ये आलेले सर्व स्टंट आणि फाइट हे कलाकारालाच करावे लागतात. अशा फाइट सीनची कोरियोग्राफी करण्यासाठी एक आवश्यक व्यावसायिक फाइट कोरियोग्राफर असावा लागतो जेणेकरू कलाकार सुरक्षित अभिनय करू शकणार. हेही वाचा : Success Story: दिल्लीतील भाजीविक्रेत्याने करोना काळात गावी जाऊन सुरू केली शेती; महिन्याला कमावतो लाखो रुपये कथा लेखक(Scriptwriter) कोणत्याही नाटकाचे किंवा चित्रपटाचे यश हे त्या नाटकाच्या किंवा चित्रपटाच्या कथेवर अवलंबुन असते. कथा कशी लिहिली जाते आणि प्रेक्षकांपर्यंत कशी पोहचवली जाते, हे या दोन गोष्टीवरून अवलंबून आहे. या लेखकाचे काम आव्हानात्मक असते कारण चांगल्या कथेशिवाय तुम्ही प्रेक्षकांचे मन जिंकू शकत नाही. सेट डिझाइनर (Set Designer) सेट कसा तयार करायचा हे ठरवण्यासाठी सेट डिझाइनर हा दिग्दर्शक आणि डिझाइन टीमबरोबर काम करतो. सेट तयार करण्यासाठी आवश्यक सामान आणि इतर बाबींची तो काळजी घेतो. लाइटनिंग/साउंड टेक्निशियन (Lightning/Sound Technician) नाटकामध्ये लाइट आणि साउंड या खूप महत्त्वाच्या गोष्टी आहेत. नाटक प्रेक्षकांपर्यंत पोहोचवण्यासाठी लाइट आणि साउंड योग्य असणे गरजेचे आहे. यासाठी लाइटनिंग व साउंड टेक्निशियनची भूमिका महत्त्वाची असते. मार्केटिंग असिस्टंट (Marketing Assistant) नाट्यविश्वात मार्केटिंग खूप महत्त्वाची आहे. त्यासाठी मार्केटिंग असिस्टंटची गरज असते कारण नाटक प्रेक्षकांपर्यंत पोहोचवण्यासाठी मार्केटिंगची आवश्यकता भासते. मार्केटिंग असिस्टंट नाटकाच्या प्रचाराची जबाबदारी घेतो आणि प्रेक्षकांचे लक्ष वेधून घेतो. हे तिकिटांची विक्री वाढवतात व जास्तीत जास्त प्रेक्षकांना नाट्यगृहात घेऊन येतात क्रू मेंबर (Crew Member) क्रू मेंबर हे पडद्यामागे काम करणारे सर्वात कमी दर्जाचे कर्मचारी आहेत. कोणतेही नाटक यशस्वी पार पाडण्यात त्यांचा महत्त्वाचा वाटा असतो. नाटकाच्या टीमबरोबर समन्वय साधणे, हे क्रू सदस्यांचे महत्त्वाचे काम आहे. उदा. लाइट आणि साउंड चेक करणे, सेट डिझाइनर, स्टेज मॅनेजर आणि कलाकारांमध्ये समन्वय साधणे. प्रॉप डिझायनर (Prop Designer) प्रॉप्स हा कोणत्याही नाटकाचा महत्त्वाचा भाग असतो. एक प्रॉप डिझाइनर नाटकाच्या सेटवर आवश्यक गोष्टींची काळजी घेतो.प्रत्येक मिनिटांचा पाठपुरावा घेतो. सेटवर कोणत्याही गोष्टीची कमी भासू नये, ही त्याची जबाबदारी असते.
