NCERT Non-Academic Recruitment 2023: राष्ट्रीय शिक्षण संशोधन आणि प्रशिक्षण परिषद या शासनाच्या संस्थेद्वारे मोठ्या भरतीची घोषणा करण्यात आली आहे. जर तुम्ही सरकारी नोकरी मिळवण्याचा प्रयत्न करत असाल, तर तुमच्यासाठी ही सुवर्णसंधी ठरु शकते. याबाबत एनसीईआरटीद्वारे जाहिरात देखील देण्यात आली आहे. या भरतीमध्ये सहभागी होण्यासाठी इच्छुक उमेदवारांना ऑनलाइन पद्धतीने अर्ज करावे लागणार आहेत. २९ एप्रिल २०२३ रोजी अर्ज करण्याची प्रक्रिया सुरु होणार आहे.
NCERT मध्ये विविध अशैक्षणिक पदांसाठी लवकरच भरती होणार आहे. या भरतीसाठी फक्त ऑनलाइन पद्धतीने केलेले अर्ज स्विकारले जातील. ५ मे २०२३ हा ऑनलाइन अर्ज करण्याचा शेवटचा दिवस आहे अशी माहिती राष्ट्रीय शिक्षण संशोधन आणि प्रशिक्षण परिषदच्या सूचनापत्रकामध्ये नमूद करण्यात आले आहे. संस्थेच्या ncert.nic.in. या अधिकृत वेबसाइटवर जाऊन उमेदवार अर्ज करु शकतात. त्याशिवाय या वेबसाइटवर भरतीसंबंधित सविस्तर माहितीही उपलब्ध आहे. अर्ज केल्यानंतर भरतीचे अपडेट्स मिळवण्यासाठी वेबसाइटची मदत घेता येईल.
३४७ पदांसाठी होणार भरती
एनसीईआरटीच्या मेगाभरतीमध्ये ३४७ शिक्षकेतर कर्मचारी/ अशैक्षणिक पदांसाठी योग्य उमेदवारांची निवड केली जाणार आहे. अर्ज केल्यानंतर काही दिवसांनंतर भरतीच्या प्रक्रियेला सुरुवात होईल. या पदांसाठी उमेदवारांची निवड खुल्या स्पर्धा परीक्षेद्वारे केली जाईल. संस्थेच्या अधिकाऱ्यांकडून निवड झालेल्या उमेदवारांची नियुक्ती NCERT मुख्यालय, नवी दिल्लीतील NIE व CIET आणि भोपाळमधील PSSCIVE येथे केली जाईल. तसेच अजमेर, भुवनेश्वर, म्हैसूर आणि शिलाँगच्या RIE मध्येही त्यांना नोकरी मिळू शकते. तर काही उमेदवारांना अहमदाबाद, बंगळुरू, गुवाहाटी आणि कोलकाता येथील प्रकाशन विभागात नियुक्त केले जाऊ शकते.
