Success Story: महिन्याला ८० रुपये कमावण्यापासून ते वर्षाला आठ कोटी कमावण्यापर्यंतचा प्रवास; देशी गायींच्या जोरावर केली प्रगती

खरं तर आपल्या देशात पशुपालन हा शेतकऱ्यांच्या समृद्धीचा आधार राहिला आहे. आताचा काळ जरी बदलला असला तरीही अनेक जण पुन्हा नव्याने जुन्या पारंपरिक व्यवसायांकडे पाहत आहेत. रमेश रुपारेलिया हे त्यांपैकीच एक आहेत, जे एकेकाळी केवळ ८० रुपये कमवत होते, ते आता वर्षाला आठ कोटी रुपये कमावतात.

नक्की वाचा

सार्वजनिक मंडळाचा ‘तो’ बॅनर पाहून लोक भडकले; PHOTO पाहून सांगा अशा मंडळांचं काय करायचं?

Bigg Boss 18 : गुणरत्न सदावर्तेंची शोमध्ये एन्ट्री,…

Nitin Gadkari : १९०० कोटींमध्ये रस्ता बांधून ८००० कोटी टोल का वसूल केला? नितीन गडकरींना थेट प्रश्न, हिशेब सांगत म्हणाले…

Sharad Pawar : “लाडकी बहीण योजनेमुळे महायुतीचं राज्य पुन्हा येईल, अशी स्थिती…”; शरद पवारांचं वक्तव्य चर्चेत

Railways Recruitment 2024 : रेल्वे विभागात नोकरीची सुवर्ण संधी; ११५८८ पदांवर बंपर भरती, लगेच करा अर्ज

IPS Shivdeep Lande Resign : आयपीएस अधिकारी शिवदीप लांडे यांचा तडकाफडकी राजीनामा; कारण काय?

तुम्ही सुद्धा ‘Symbiosexual’ आहात का? ही नवीन लैंगिक ओळख नेमकी काय आहे? इंटरनेटवर याची इतकी चर्चा का?

Kirit Somaiya : “मला न विचारताच घोषणा”, किरीट सोमय्यांनी भाजपाचा आदेश धुडकावला; म्हणाले, “पुन्हा अशी वागणूक…”

गुजरातमधील एका छोट्या गावात राहणारे रमेश रुपारेलिया यांना लहानपणापासूनच आयुष्यात अनेक आर्थिक संकटांचा सामना करावा लागला, त्यामुळे त्यांचे शिक्षण सातवीपर्यंतच झाले. रमेश यांना लहानपणापासूनच संगीताची आवड होती. तसेच त्यांचं गाईंवरही खूप प्रेम होतं. २०१० मध्ये त्यांनी शेती करायचा निर्णय घेतला, पण रमेश यांच्याकडे स्वतःची जमीनही नव्हती. गोंडल येथील एका जैन कुटुंबाकडून त्यांनी जमीन भाड्याने घेतली होती. त्यांनी शेतीत रसायनांचा वापर केला नाही. त्यांनी केवळ गाईच्या शेणाचे खत म्हणून वापर केला. शेतीमध्ये रमेश यांना लाखो रुपयांचा फायदा झाला.

गाईंसाठी उभी केली गोशाळा

शेतीतून नफा झाल्यानंतर रमेश यांनी स्वतःची चार एकर जमीन खरेदी केली आणि शेतीसह गाई पालन व्यवसाय सुरू केला. शेतीमध्ये त्यांनी वैदिक गाई पालन आणि गाईंवर आधारित शेतीचा वापर केला. आज ते ‘श्री गिर गौ कृषी जतन संस्था’ नावाने स्वतःचा गोठा चालवतात. गीर गाईच्या दुधापासून बनवलेले सेंद्रिय तूप विकून ते करोडो रुपये कमावतात.

हेही वाचा: Success Story: शाब्बास पोरा! लहान वयात घरची जबाबदारी; रस्त्याकडेला पर्सविक्रीपासून प्रोफेशनल फॅशन मॉडेलपर्यंतचा प्रवास; साहिल सिंगचा प्रेरणादायी प्रवास

आज त्यांच्याकडे २५० हून अधिक गीर गाई आहेत. त्यांचा गोठा पाहण्यासाठी देश-विदेशातून लोक येतात. येथे उत्पादित होणारे दूध, ताक, लोणी आणि तुपालाही खूप मागणी आहे. छोट्या प्रमाणावर सुरू झालेला त्यांचा व्यवसाय आज १२३ देशांमध्ये पसरला आहे. रमेश यांनी त्यांच्या उत्पादनांच्या गुणवत्तेवर विशेष लक्ष देऊन त्यांची उत्पादने आंतरराष्ट्रीय बाजारपेठेत आणली आणि त्यांनी आवश्यक प्रमाणपत्रे आणि परवाने मिळवले. ते वर्षाला सुमारे आठ कोटी रुपये कमावतात.