Success Story of Benu Gopal Bangur : हुरुन इंडिया रिच लिस्ट (Hurun India Rich List, 2024) मध्ये मंत लोकांच्या टॉप-१०० व्या यादीत, वय वर्षे ९३ असणारे, दिग्ग्ज उद्योगपती बेनू गोपाल बांगूर यांचा समावेश आहे. बेनू गोपाल बांगूर हे पश्चिम बंगालमधील सर्वात श्रीमंत व्यक्ती आहेत. देशातील सिमेंट उद्योगात त्यांचे नाव खूप प्रसिद्ध आहे. कारण – बेनू गोपाल बांगूर हे श्री सिमेंटचे कार्यकारी अध्यक्ष म्हणून काम पाहतात. तर हुरुन इंडिया रिच लिस्टच्या यादीत सामील होणारे बेनू गोपाल बांगूर सर्वात वयोवृद्ध अब्जाधीश म्हणून ओळखले जात आहे. तर याचपाश्वभूमीवर आज आपण त्यांच्या प्रासाबद्दल ( Success Story ) थोडक्यात जाणून घेणार आहोत…
बेनू गोपाल बांगूर मूळ कोलकत्ताचे रहिवासी आहेत. यांनी कोलकत्ता विद्यापीठातून बी.कॉमची पदवी मिळवली. बेनू गोपाल बांगूर हे अब्जाधीश बाबू मोशाई म्हणूनही ओळखले जातात. हुरुनने जाहीर केलेल्या सर्वात श्रीमंत भारतीयांच्या यादीत त्यांना ३२ वे स्थान दिले आहे. बेनू गोपाल बांगूर यांची एकूण संपत्ती ६५,८०० कोटी रुपये आहे आणि या वर्षी त्यांची संपत्ती १५ टक्क्यांनी वाढ सुद्धा झाली आहे. फोर्ब्सच्यारिअल टाइम बिलियनेअर्स इंडेक्सनुसार, संपत्तीच्या बाबतीत बेनू गोपाल हे एनआर नारायण मूर्ती आणि नुस्ली वाडिया यांसारख्या मोठ्या अब्जाधीशांपेक्षाही पुढे आहेत.
कंपनी पाच भागांमध्ये विभागली :
बनू गोपाल बांगुर यांचा भाऊ राम कूवर बांगूर आणि आजोबा मुंगी राम बांगूर यांनी १९१९ मध्ये कंपनीची स्थापना केली. बेनू गोपाल बांगूर यांचा जन्म १९३१ झाला आणि श्री सिमेंटची स्थापना १९७९ मध्ये करण्यात आली. बांगूर समूहाचा व्यवसाय अनेक उद्योगांमध्ये पसरलेला आहे. १९९१ मध्ये कंपनी पाच भागांमध्ये विभागली गेली. त्यावेळी सिमेंट क्षेत्राची जवाबदारी बेनू गोपाल बांगूर यांच्याकडे देण्यात आली आणि त्यांनी १९९२ मध्ये श्री सिमेंटचे चेअरमन म्हणून पदभार स्वीकारला. जसजसा त्यांच्या व्यवसाय वाढत गेला तसतशी त्यांची कंपनीही वाढत गेली आणि आजच्या घडीला देशातील श्रीमंतांच्या यादीत त्यांचा समावेश आहे. वयाच्या या टप्प्यावर पोहचल्यानंतर २००२ पासून त्यांच्या सिमेंट व्यवसायाची धुरा त्यांचा मुलगा हरी मोहन बांगूर यांच्याकडे सोपवली. तसेच बनू गोपाल बांगुर आपल्या कुटुंबासह कोलकाता येथील एका आलिशान हवेलीत राहतात.असा आहे बेनू गोपाल बांगूर यांचा ( Success Story ) प्रवास…
