* भारतीय नौदलात युनिव्हर्सटिी एन्ट्री स्कीम (यूईएस) जून, २०१८ पासून सुरू होणाऱ्या कोर्ससाठी पुढील ब्रँचेसमध्ये प्रवेश. (१) एक्झिक्युटिव्ह ब्रँच - (ए) जनरल सर्व्हिस (एक्स) पात्रता - कोणत्याही शाखेतील अभियांत्रिकी पदवी. (बी) एअर ट्रॅफिक कंट्रोलर - कोणत्याही शाखेतील बी.ई., दहावी/बारावीला सरासरी ६०% गुण, इंग्रजी विषयात १२वीला ६० % गुण. (सी) आयटी - आयटी/कॉम्प्युटर सायन्समधील अभियांत्रिकी पदवी. (२) टेक्निकल ब्रँच - (डी) इंजिनीअरिंग ब्रँच - मेकॅनिकल/मरिन/इन्स्ट्रमेंटेशन/प्रोडक्शन/ऑटोमोबाइल/मेटॅलर्जी/ मेकॅट्रॉनिक्स/इंडस्ट्रियल इंजिनीअरिंग अँड मॅनेजमेंट इ.मधील बी.ई. (ई) इलेक्ट्रिकल ब्रँच - इलेक्ट्रिकल/इलेक्ट्रॉनिक्स/टेलिकम्युनिकेशन/पॉवर इलेक्ट्रॉनिक्स इ. मधील बी.ई. (एफ) नेव्हल आíकटेक्चर - मेकॅनिकल/सिव्हिल/मेटॅलर्जी/ मरिन इंजिनीअरिंग/नेव्हल आर्किटेक्चर/शिप टेक्नॉलॉजी इ.मधील बी.ई. (बी) आणि (एफ) एअर ट्रॅफिक कंट्रोलर, नेव्हल आर्किटेक्चरमधील पदे महिला/पुरुष यांच्यासाठी असून इतर पदे फक्त पुरुष उमेदवारांसाठीच आहेत. सर्व पदांसाठी गुणांची अट सरासरी किमान ६०% आहे. वय - उमेदवाराचा जन्म दि. २ जुलै १९९४ ते १ जुलै १९९७ दरम्यानचा असावा. उंची - पुरुष - १५७ सें.मी., महिला - १५२ सें.मी. कॅम्पस मुलाखतीतून निवडलेल्या उमेदवारांना, एसएसबी मुलाखतीतून निवडलेल्या उमेदवारांना वैद्यकीय चाचणीनंतर सब-लेफ्टनंट पदावर आयएनएस, इझिमाला येथे २२ आठवडय़ांच्या प्रशिक्षणासाठी पाठविले जाईल. सीटीसी वेतन - दरमहा रु. ७२,४४४/- ते ८१,७००/- एसएसबी डिसेंबर, २०१७ ते एप्रिल, २०१८ दरम्यान होईल. ऑनलाइन अर्ज www.joinindiannavy.gov.in या संकेतस्थळावर दि. ३१ जुलै २०१७ पर्यंत करावेत. * केसी, मिहद्रा एज्युकेशन ट्रस्टतर्फे महिन्द्रा अखिल भारतीय गुणवत्ता शिष्यवृत्ती २०१७ ट्रस्टकडून ‘पॉलिटेक्निक्समधील पदविका अभ्यासक्रमासाठी’ दरवर्षी रु. १०,०००/- शिष्यवृत्ती दिली जाते. ही शिष्यवृत्ती ५५० गरजू आणि गुणवान विद्यार्थ्यांना ३ वर्षांपर्यंत दिली जाते. पात्रतेच्या अटी - दहावी/बारावी उत्तीर्ण. बोर्डाच्या परीक्षेत ६०% पेक्षा जास्त गुण मिळवलेले असावेत. मुली, कमी उत्पन्न गटातील मुले, एक मुलगी, अपंग मुले व मुली आणि संरक्षण दलातील व्यक्तींची मुले/मुली यांना प्राधान्य. अर्जाचा फॉर्म या संकेतस्थळावर मिळेल. विद्यार्थ्यांनी अर्ज पूर्ण भरून कागदपत्रांसह पुढील पत्त्यावर ४ ऑगस्ट २०१७पर्यंत पाठवावा. ‘के.सी. महिन्द्रा एज्युकेशन ट्रस्ट, सेसिल कोर्ट, तिसरा मजला, रिगल सिनेमाजवळ,महाकवी भूषण मार्ग, मुंबई - ४०० ००५’ निवडण्यात आलेल्या उमेदवारांना मुलाखतीची तारीख, स्थान याची आगाऊ सूचना दिली जाईल.
