महाराष्ट्र शासनाच्या कॉमन एन्ट्रन्स टेस्ट सेल विभागातर्फे एम - एचएमसीटी - म्हणजेच हॉटेल मॅनेजमेंट अँड कॅटरिंग टेक्नॉलॉजी विषयातील पदव्युत्तर पदवी अभ्यासक्रमाच्या २०१७ - १८ या शैक्षणिक सत्रात प्रवेश देण्यासाठी घेण्यात येणाऱ्या एमएएच - एम, एचएमसीटी - सीईटी : २०१७ या प्रवेश पात्रता परीक्षेसाठी खाली नमूद केल्याप्रमाणे प्रवेश अर्ज मागविण्यात येत आहेत - आवश्यक शैक्षणिक पात्रता :- अर्जदारांनी हॉटेल मॅनेजमेंट व कॅटरिंग टेक्नॉलॉजीमधील पदवी ते सर्वसाधारण गटातील असल्यास ५०% गुणांसह (राखीव वर्गगटातील उमेदवारांसाठी ४५% उत्तीर्ण केलेली असावी अथवा ते कॅटरिंग टेक्नॉलॉजी व हॉटेल मॅनेजमेंट विषयाच्या पदवी परीक्षेच्या अंतिम वर्षांच्या परीक्षेला बसलेले असावेत. निवड पद्धती :- अर्जदारांपैकी पात्रताधारक विद्यार्थ्यांची निवड परीक्षा संगणकीय पद्धतीने २८ मे २०१७ रोजी घेण्यात येईल. या निवड परीक्षेत खाद्यान्न व सेवा, आदरातिथ्य, अन्न प्रक्रिया, इंग्रजी संभाषण व पर्यटन व्यवसायसारख्या विषयांचा समावेश असेल. परीक्षेचा कालावधी १ तासाचा असेल व त्यामध्ये वरील विषयांशी संबंधित ५० प्रश्नांचा समावेश असेल. प्रवेश परीक्षेचा निकाल ४ जून २०१७ रोजी घोषित करण्यात येऊन त्यानुसार अर्जदारांना वरील अभ्यासक्रमात प्रवेश देण्यात येईल. अर्जासह पाठवायचे शुल्क :- अर्जासह पाठवायचे शुल्क म्हणून सर्वसाधारण गटाच्या विद्यार्थ्यांनी १००० रु. (राखीव गटातील विद्यार्थ्यांसाठी ८०० रु.) संगणकीय पद्धतीने भरणे आवश्यक आहे. अधिक माहिती व तपशिलासाठी संपर्क :- अभ्यासक्रमाच्या संदर्भात अधिक माहिती व तपशिलासाठी महाराष्ट्र शासनाच्या कॉमन एन्ट्रन्स टेस्ट सेलच्या दूरध्वनी क्र. ०२२ -३०२३३४२० वर संपर्क साधावा अथवा या संकेतस्थळाला भेट द्यावी. कार्यालयीन संपर्क :- महाराष्ट्र शासन - स्टेट कॉमन एन्ट्रन्स टेस्ट सेल महाराष्ट्र मुख्यालय :- ३०५, शासकीय तंत्रनिकेतन इमारत, खरेवाडी, अलियावर जंग मार्ग, वांद्रे (पूर्व), मुंबई - ४०००५१. विभागीय कार्यालय :- कॉमन एन्ट्रन्स टेस्ट सेल, तंत्रशिक्षण संचालनालय, ३, महापालिका मार्ग, मुंबई ४००००१. हॉटेल मॅनेजमेंट व कॅटरिंग टेक्नॉलॉजीमधील ज्या पदवीधरांना याच विषयातील पदव्युत्तर अभ्यासक्रमासह आपले करिअर घडवायचे असेल त्यांनी या संधीचा अवश्य लाभ घ्यावा. अर्ज करण्याची अंतिम मुदत - १२मे २०१७