केंद्र सरकारच्या ग्राहक व्यवहार मंत्रालय व अन्न आणि सार्वजनिक विभागांतर्गत कार्यरत असणाऱ्या नॅशनल शुगर इन्स्टिटय़ूट, कानपूर येथील विविध अभ्यासक्रमांच्या २०१७ सत्रामध्ये खालीलप्रमाणे प्रवेश देण्यात येत आहेत. शुगर टेक्नॉलॉजीमधील पदविका अभ्यासक्रम- उपलब्ध जागा ६९, अर्जदारांनी गणित, भौतिकशास्त्र व रसायनशास्त्र या विषयांसह बीएस्सी अथवा केमिकल इंजिनीअरिंगमधील पदवी उत्तीर्ण केलेली असावी. शुगर इंजिनीअरिंगमधील पदविका अभ्यासक्रम- उपलब्ध जागा २८, अर्जदारांनी मेकॅनिकल, प्रॉडक्शन, इलेक्ट्रिकल, इलेक्ट्रिकल अॅण्ड इलेक्ट्रॉनिक्स इंजिनीअरिंगमधील पदवी अथवा एएमआयई पात्रता पूर्ण केलेली असावी. इंडस्ट्रियल फर्मेटेशन व अल्कोहोल टेक्नॉलॉजीमधील पदविका अभ्यासक्रम- उपलब्ध जागा २८, अर्जदारांनी रसायनशास्त्र, अप्लाईड केमिस्ट्री, औद्योगिक रसायनशास्त्र, बायोकेमिस्ट्री यासारख्या विषयांतील बीएस्सी किंवा बायोटेक्नॉलॉजी, केमिकल इंजिनीअरिंग अथवा बायोकेमिकल इंजिनीअरिंग यासारख्या विषयातील बीटेक पदवी उत्तीर्ण केलेली असावी. शुगरकेन प्रॉडक्टीव्हीटी आणि मॅच्युरिटी मॅनेजमेंटमधील पदविका अभ्यासक्रम- उपलब्ध जागा १८, अर्जदारानी बीएस्सी अथवा बीएस्सी कृषी यासारखी पात्रता पूर्ण केलेली असावी. इंडस्ट्रियल इन्स्ट्रमेंटेशन व प्रोसेस ऑटोमेशनमधील पदविका अभ्यासक्रम- उपलब्ध जागा १५, अर्जदारांनी इलेक्ट्रॉनिक्स अॅण्ड इन्स्ट्रमेंटेशन, इलेक्ट्रॉनिक्स, इन्स्ट्रमेंटेशन, इलेक्ट्रिकल अॅण्ड इलेक्ट्रॉनिक्स, अप्लाईड इलेक्ट्रॉनिक्स अॅण्ड इंस्ट्रमेंटेशन यासारख्या विषयातील पदवी अथवा एएमआयई यासारखी पात्रता पूर्ण केलेली असावी. शुगर बॉइलिंगमधील प्रमाणपत्र अभ्यासक्रम- अर्जदारांनी कृषी वा विज्ञान विषयांसह शालान्त परीक्षा उत्तीर्ण केलेली त्यांना साखर कारखान्यातील प्रत्यक्ष कामाचा किमान एका हंगामाचा अनुभव असायला हवा. निवड पद्धती- अर्जदारांपैकी पात्रताधारक उमेदवारांची नॅशनल इन्स्टिटय़ूट ऑफ शुगर तर्फे निवड चाचणी घेण्यात येईल. ही निवड चाचणी देशांतर्गत निवड परीक्षा केंद्रांवर ३१ जून २०१७ रोजी घेण्यात येईल व त्यामध्ये महाराष्ट्रातील पुणे केंद्राचा समावेश असेल. उमेदवारांची पात्रता परीक्षेतील गुणांची टक्केवारी व प्रवेश परीक्षेतील गुणांकाच्या आधारे त्यांना संबंधित अभ्यासक्रमात प्रवेश देण्यात येईल. अर्जासह भरावयाचे शुल्क-अर्जासह पाठवायचे प्रवेश शुल्क म्हणून खुल्या वर्गगटातील उमेदवारांनी १००० रु. (राखीव गटातील उमेदवारांनी ८०० रु. चा) ‘डायरेक्टर, नॅशनल शुगर इन्स्टिटय़ूट’ यांच्या नावे असणारा व कानपूर येथे देय असलेला डिमांड ड्राफ्ट पाठविणे आवश्यक आहे. अधिक माहिती व तपशिलासाठी संपर्क-अभ्यासक्रमांच्या संदर्भात अधिक माहिती व तपशिलासाठी नॅशनल शुगर इन्स्टिटय़ूट कानपूरच्या दूरध्वनी क्र. ०५१२ २५७३६१३ वर संपर्क साधावा अथवा इन्स्टिटय़ूटच्या या संकेतस्थळाला भेट द्यावी. अर्ज पाठविण्याचा पत्ता व शेवटची तारीख : संपूर्णपणे भरलेले व आवश्यक तो तपशील आणि डिमांड ड्राफ्ट सह असणारे अर्ज डायरेक्टर, नॅशनल शुगर इन्स्टिटय़ूट, कल्याणपूर, कानपूर २०८०१७ या पत्त्यावर ५ मे २०१७ पर्यंत पोहोचतील अशा बेताने पाठवावेत.