आज कुटुंबात इंटरनेट गरजेचे झाले आहे. कुटुंबातील प्रत्येक सदस्य घरातील कॉम्प्युटर आणि मोबाइल फोन वापरत असतो, विशेषत: लहान आणि महाविद्यालयात जाणारे विद्यार्थी याचा जास्त वापर करतात. सध्या घरात वायफायचा वापर वाढला आहे. वायफायमुळे घरातून कोठूनही, आपले कुटुंबीय इंटरनेटवर जाऊ शकतात. संभाव्य धोके नेट आणि त्यावरील माहितीवर नियंत्रण ठेवणे आपल्यासाठी अवघड असते. हे कनेक्शन पुरेसे सुरक्षित नसले तर नेटवरचे घुसखोर आपली बॅण्डविड्थ वापरण्याची शक्यता असते आपल्या उपकरणांमध्ये मालवेअर (घातक सॉफ्टवेअर) टाकून आपल्या नेटच्या सुरक्षेवर हल्ला करण्याची शक्यता असते. याशिवाय इतरांच्या सिस्टीम्स किंवा संसाधनांवर हल्ला करण्यासाठी ते आपल्या सिस्टीमचा किंवा उपकरणाचा वापर करू शकतात. घ्यायची काळजी मूळ (डीफॉल्ट) डॉमिन पासवर्ड बदलून त्याजागी अधिक सुरक्षित पासवर्ड घाला. आपले वायफाय उपकरण अत्यंत सुरक्षित असल्याची खात्री करा. आपल्या राऊटरवर पोचण्यासाठी गुंतागुंतीचा पासवर्ड वापरा. अपरिचित व्यक्तींना आपले नेटवर्क वापरता येऊ नये यासाठी वायरलेस एन्सिक्रिप्शन सक्रिय करा. काही विशिष्ट उपकरणांनाच आपल्या वायरलेस नेटवर्कवर पोचण्याची परवानगी द्या. नेटवर्कशी जोडल्या जाणाऱ्या प्रत्येक उपकरणाला एक अद्वितीय असा मीडिया अ‍ॅक्सेस कंट्रोल अ‍ॅड्रेस दिलेला असतो. त्यांचाच वापर करा. अयोग्य मजकूर असलेल्या तसेच गरज नसलेल्या वेबसाइट्सपासून दूर राहण्यासाठी फिल्टर्सचा वापर करा.
