* फर्निचरवर साचलेली धूळ रोजच्या रोज साफ करावी. असे न केल्यास धूळ साचून फर्निचरचे पॉलिश हळूहळू निघून जाते व फर्निचर निस्तेज वाटते.* स्टील आणि प्लॅस्टिकच्या फर्निचरला ऊन, उष्णता आणि पाणी यांपासून लांब ठेवायला हवे कारण त्यावर डाग पडून ते खराब होते.* ऊन, उष्णता,एअरकंडिशनर, रेडिएटर यांपासून फर्निचर लांब ठेवा. कारण त्यातून उत्पन्न होणाऱ्या उष्णतेने फर्निचरचे जोड कमकुवत होतात.* लाकडाच्या फर्निचरला पाणी लागणार नाही याची काळजी घ्या, नाही तर लाकूड फुगून त्याच्या पट्टय़ा निघतात.* फर्निचरला असलेल्या चाकांना नियमित तेल आणि ग्रीस लावावे त्यामुळे फर्निचर हलवणे सोपे पडते.* फर्निचर हलवताना त्यावर ओरखडे उठणार नाही याची काळजी घ्यावी.* वर्ष-दोन वर्षांनी फर्निचरला पॉलिश करून घ्यावे.* लाकडी फर्निचर साफ करण्यासाठी पाण्यात खोबरेल तेल घालून मिश्रण तयार करावे व त्या मिश्रणात कापूस भिजवून त्या बोळ्याने फर्निचर साफ करावे.* लाकडी फर्निचरवर पडलेले चहा, कॉफीचे डाग साफ करण्यासाठी पाव चमचा तेलात पाऊण चमचा व्हिनेगर टाकून चांगले मिसळून घ्या. या मिश्रणात सुती कपडा बुडवून हलक्या हाताने डागावर चोळा.* पाव कप धुण्याचा सोडा पाण्यात विरघळवून त्या पाण्याने प्लॅस्टिकचे फर्निचर साफ करावे. डाग आणि ओशटपणा निघून जातो.संकलन- उषा वसंत
