* कितीही कामात असलात तरी मधे मधे मुलांशी बोलण्यासाठी वेळ काढा. * घरातली छोटी छोटी कामे करायला सांगा. पण त्यात आदेश, हुकूम नको. म्हणजे त्यांच्याशी संवाद साधला जाईल, मुलांना एकटेपणा वाटणार नाही. * खरेदीला जाताना मुलांनाही आपल्याबरोबर घेऊन जा. खरेदी करताना त्यांचेही मत विचारा.* मुलांनी एखादे चांगले काम केले, अभ्यासात चांगला शेरा मिळाला तर त्याच्या वयाला साजेशी भेटवस्तू त्यांना द्या. त्यांनी केलेल्या चांगल्या कामाची स्तुती करा.* मुलांमध्ये असलेल्या उणिवांबाबत त्यांना येता-जाता टोमणे मारू नका.* आपल्या मुलाची दुसऱ्या मुलांबरोबर तुलना करू नका.* केव्हा तरी एखाद्या वस्तूबद्दल किंवा मित्राच्या खेळण्याविषयी बोलला असेल तर तशी वस्तू देऊन त्याला सरप्राइज द्या.* आपण घरी असलो किंवा नसलो तरी मुलांना आपल्या अस्तित्वाची जाणीव व्हायला हवी.* मुलांवर कोणत्याही बाबतीत जबरदस्ती करू नका.* मुलावर कडक शिस्तीचा बडगा उगारू नका. त्यामुळे मुले भीतीच्या दडपणाखाली वावरतात.* त्यांच्याकडून झालेल्या चुकांचे समर्थन करू नका. उलट या चुकीमुळे होणारे नुकसान आणि तोटे नीट समजावून सांगा.* मुलांना शिक्षा करताना या प्रसंगी आपण लहानपणी केलेल्या चुका आठवा. तेव्हा काय झाले हे आठवून शिक्षा करा.* पाहुण्यांसमोर किंवा एखाद्या ठिकाणी, समारंभात, रस्त्यावर मुलांना अपमानकारक बोलू नका.