प्रसाद शिरगावकर
इन्स्टाग्राम, फेसबुक आणि ‘टिकटॉक’वजा इतर ॲप्सच्या माध्यमातून ‘शॉर्ट व्हिडीओ’ आणि रील्स आपल्या आयुष्यात आले. या समाजमाध्यमी ‘कंटेंट’मधला एक सगळय़ात जास्त पाहिला, शेअर केला जाणारा प्रकार म्हणजे लहान मुलांचे व्हिडीओ. काही दिवसांची, महिन्यांची बाळं ते दोन-पाच वर्षांपर्यंतच्या बोबडं किंवा बालसुलभ ‘आगाऊ’पणानं बोलणाऱ्या लहानग्यांचे व्हिडीओ प्रचंड लोकप्रिय. यातली काही चिमुरडी समाजमाध्यमांवरच्या ‘सेलिब्रिटी’ होतात. ‘ब्रँड एन्डॉर्समेंट’ वगैरे मिळू लागतात आणि त्याद्वारे पैसेही (अर्थात पालकांना)! या सगळय़ाच्या केंद्रस्थानी असलेलं लहानगं स्वत:चं ‘कंटेंट’ झालेलं असतं. लाइक्स-कमेंट्सच्या सोसात त्या मुलाचा खासगीपणाचा अधिकार, बाललीलांमधली नैसर्गिकता आणि मुख्य म्हणजे लहानपणच्या अनुभवांवर अवलंबून असलेली पुढच्या आयुष्यातली मानसिक जडणघडण यांचं काय? याचा ऊहापोह करणारा हा लेख..

या बातमीसह सर्व प्रीमियम कंटेंट वाचण्यासाठी साइन-इन करा

सोशल मीडियावर सध्या शॉर्ट व्हिडीओज किंवा रील्सचा महापूर आहे. रोज असंख्य नवे व्हिडीओज आपल्यासमोर येताना दिसतात. यात विशेष लक्ष वेधून घेणारे व्हिडीओज असतात ते लहान मुलांचे! लहान मुलांचे म्हणजे अगदी लहान बाळांपासून दोन-पाच वर्षांच्या मुलांचे. लहान मुलं गोंडस अन् निरागस असतात. बोबडे गोड बोल बोलतात. त्यांचं चालणं, बोलणं, खेळणं, हसणं, अगदी रडणंही बहुसंख्य प्रौढ माणसांना खूप आवडतं. कोणत्याही, कोणाच्याही लहान मुलाच्या ‘बाललीला’ बघत आपण रमून जाऊ शकतो. अर्थातच, प्रत्यक्ष भेटलेल्या लहान मुलांच्या लीला बघताना आपण जसे रमून जातो, तसेच सोशल मीडियावर दिसणारे लहान मुलांचे फोटो आणि व्हिडीओज बघूनही रमून जातो. याच कारणामुळे सोशल मीडियावरच्या अशा प्रकारच्या व्हिडीओंना प्रचंड प्रतिसाद मिळताना दिसतो. लहानग्यांचे फोटो आणि व्हीडिओ बहुसंख्य वेळा त्यांचे पालकच तयार करून पोस्ट करत असतात. आपल्या आयुष्यात जे काही सुरू आहे ते सोशल मीडियावर ‘शेअर’ करत राहाण्याची प्रथा सध्या खूप मोठय़ा प्रमाणात निर्माण झाली आहे. किंबहुना ‘फेसबुक’ किंवा ‘इन्स्टाग्राम’सारख्या सोशल माध्यमांचा उदयच व्यक्तिगत अनुभव शेअर करणं या हेतूनं झाला होता. त्यांचं डिझाइन आणि वापरातला सोपेपणा आपल्याला आपले अनुभव शेअर करायला प्रवृत्त करत राहतो. तिथे मिळणारे ‘लाइक्स’ आणि ‘कमेंट्स’ आपला उत्साह वाढवणारे असतात. या उत्साहामुळे आपल्याला अधिकाधिक अनुभव शेअर करत राहाण्याला प्रोत्साहन मिळतं. हे सर्वच कंटेंटच्या बाबतीत घडतं, पण लहान मुलांच्या फोटो आणि व्हिडीओंबाबत जास्तच घडताना दिसतं.

मराठीतील सर्व चतुरंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Content instagram facebook tiktok short video share amy
First published on: 13-08-2022 at 00:07 IST