शेपू

शेपू या पालेभाजीच्या विशिष्ट वासामुळे अनेक लोक नाक मुरडतात. पण कमी कॅलरी असूनही या भाजीत डाळी आणि सुक्या मेव्यातले अनेक गुणधर्म आहेत. शेपूच्या पानातलं ‘अ’ आणि ‘क’ आणि बी कॉम्प्लेक्स…

शेपू या पालेभाजीच्या विशिष्ट वासामुळे अनेक लोक नाक मुरडतात. पण कमी कॅलरी असूनही या भाजीत डाळी आणि सुक्या मेव्यातले अनेक गुणधर्म आहेत. शेपूच्या पानातलं ‘अ’ आणि ‘क’ आणि बी कॉम्प्लेक्स ही सारी जीवनसत्त्वे तसेच कॉपर, पोटॅशियम, मँगेनीज, कॅल्शियम आणि लोह शरीराची प्रतिकारशक्ती वाढवतात. मेंदू शांत ठेवतात. शेपूच्या पानात युजेनॉल नावाचं तेल असतं. ते रक्तदाब कमी करायला मदत करतं. शेपूच्या बियांचा म्हणजे बाळंतशोपांचा अर्क पचनासाठी, विशेषत: लहान मुलांना उपयोगी पडतो.

शेपू मूग डोसा
साहित्य : एक वाटी सालाची मूग डाळ, १ वाटी बारीक चिरलेला शेपू,१ चमचा लिंबाचा रस, अर्धी वाटी ओट्स, एक मोठा चमचा आल्याचे तुकडे, चार लसूण पाकळ्या, दोन हिरव्या मिरच्या, १ चमचा जिरं, चवीला मीठ, साखर, तेल
कृती : मूगडाळ ५-६ तास भिजत घालावी. आलं-लसूण, ओट्स, जिरं आणि मिरचीबरोबर बारीक वाटून घ्यावी. त्यात लिंबाचा रस, चवीला मीठ, साखर आणि चिरलेला शेपू घालून नॉनस्टिक पॅनवर त्याचे डोसे करावे.
वसुंधरा पर्वते -vgparvate@yahoo.com

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अन्नसंकर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Shepu