दिल्लीमध्ये बुराडी येथील संत नगरमध्ये रविवारी सकाळी एकाच घरात ११ मृतदेह आढळल्याने खळबळ उडाली आहे. ११ मृतदेहांपैकी ७ मृतदेह महिलांचे आणि ४ पुरुषांचे असल्याची माहिती आहे. या सर्वांनी सामूहिक आत्महत्या केली की कोणी त्यांची हत्या केली हे अद्याप स्पष्ट झालेलं नाही. पोलिसांनी परिसराची नाकेबंदी केली असून, घटनेचा सखोल तपास सुरू आहे. मिळालेल्या प्राथमिक माहितीनुसार, मृत्यू झालेले सर्व जण दोन भावांच्या कुटुंबातले आहेत. ११ पैकी १० मृतदेह लटकलेल्या अवस्थेत होते व त्यांच्या डोळ्यावर पट्टी बांधण्यात आली होती. तर एक मृतदेह जमिनीवर पडलेला होता. Bodies of 11 members of a family found in a house in Delhi's Burari: 10 bodies were found blindfolded and hanging from a railing in the house and one body was found lying on the floor. The family owned a grocery shop- Sources pic.twitter.com/f9uIAalgRN — ANI (@ANI) July 1, 2018 दोन कुटुंबातील ११ जणांनी आत्महत्या केल्याची शक्यता वर्तवली जात असली तरी अद्याप आत्महत्या की हत्या याबाबत नेमकी माहिती मिळालेली नाही. ज्या परिसरात हे मृतदेह सापडले आहेत, तिथे लोकांनी मोठ्या प्रमाणात गर्दी केली आहे. सकाळीच अशा प्रकारची घटना समोर आल्यानं परिसरात भीतीचं वातावरण आहे. #Visuals from Delhi's Burari where bodies of 7 women and 4 men have been found at a house; Police present at the spot, investigation on. pic.twitter.com/CjuReQbaXT — ANI (@ANI) July 1, 2018