News Flash

मुशर्रफ यांना १४ दिवसांची न्यायालयीन कोठडी

पाकिस्तानचे माजी अध्यक्ष परवेझ मुशर्रफ शनिवारी दहशतवादविरोधी न्यायालयात हजर झाले असता त्यांची १४ दिवसांसाठी म्हणजेच ४ मेपर्यंत न्यायालयीन कोठडीत रवानगी करण्याचे आदेश न्यायालयाने दिले.

| April 21, 2013 02:45 am

पाकिस्तानचे माजी अध्यक्ष परवेझ मुशर्रफ शनिवारी दहशतवादविरोधी न्यायालयात हजर झाले असता त्यांची १४ दिवसांसाठी म्हणजेच ४ मेपर्यंत न्यायालयीन कोठडीत रवानगी करण्याचे आदेश न्यायालयाने दिले. मात्र मुशर्रफ यांच्या फार्महाऊसला उपकारागृहाचा दर्जा देण्यात आला असल्याने त्यांना प्रत्यक्ष कारागृहाऐवजी त्यांच्याच फार्महाऊसवर ठेवण्यात येणार आहे.
मुशर्रफ यांनी पोलीस मुख्यालयात शुक्रवारची रात्र घालविली. त्यानंतर दहशतवादविरोधी न्यायालयात त्यांना आणण्यात आले. न्या. कौसर अब्बास झैदी यांच्यासमोर हजर करण्यात आले, तेव्हा त्यांना १४ दिवस न्यायालयीन कोठडीत ठेवण्याचे आदेश देण्यात आले. मुशर्रफ न्यायालयात आले असता तेथील वकिलांनी त्यांच्याविरुद्ध जोरदार घोषणाबाजी केली. तेव्हा मुशर्रफ यांचे समर्थक आणि वकिलांमध्ये झटापट झाली. न्यायालयात जाण्यापूर्वी त्यांनी आपल्या समर्थकांना सलाम केला. त्यांच्याजवळ कोणालाही जाण्याची मुभा देण्यात आली नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 21, 2013 2:45 am

Web Title: 14 days judical custody to parvez mushruff
टॅग : Election,Pakistan
Next Stories
1 केरळच्या मंत्र्यांनी मोदींची भेट घेतल्याने काँग्रेसचे नेते संतप्त
2 टेक्सास खत प्रकल्प स्फोटातील बळींची संख्या १४
3 अंटारेस अग्निबाणाचे चाचणी उड्डाण
Just Now!
X