छत्तीसगडमधील घुसखोरीबाधित क्षेत्रात दोन ठिकाणी स्वतंत्र मोहिमा हाती घेऊन पोलिसांनी चार महिलांसह १४ नक्षलवाद्यांना अटक केली. सुरगुजा विभागातील बलरामपूर जिल्ह्य़ात सुरक्षारक्षक आणि नक्षलवादी यांच्यात तुफान चकमक झडली. त्यानंतर ११ जणांना पोलिसांनी अटक केली.केंद्रीय राखीव पोलीस दल आणि जिल्हा पोलीस यांच्या संयुक्त पथकाने लाहसनपथ जंगलात शोधमोहीम हाती घेतली, त्यावेळी नक्षलवाद्यांनी पोलिसांवर गोळीबार केला. त्यानंतर ते दाट जंगलात पसार झाले. त्यानंतर पोलिसांनी जंगलात शोधमोहीम हाती घेऊन ११ संशयितांना अटक केली. नक्षलवाद्यांना अटक करून पोलिसांनी त्यांच्याकडून रायफली, देशी बनावटीचे पिस्तूल, दोन डिटोनेटर्स, सौरऊर्जा साहित्य, स्फोटके जप्त केली आहेत.
