आंध्रप्रदेशातील सुप्रसिद्ध तिरुमला तिरुपती मंदिराच्या १४ पुजाऱ्यांना करोनाची बाधा झाली आहे. तिरुमला तिरुपती देवस्थानचे कार्यकारी अधिकारी अनिल कुमार सिंघल यांनी ही माहिती दिली आहे. आज त्यांनी यासंदर्भात इतर पुजाऱ्यांची एक बैठक घेतली आणि त्यांना आरोग्यविषयक सूचनाही केल्या. एएनआयने यासंदर्भातले वृत्त दिले आहे. या मंदिरात एकूण ५० पूजारी आहेत. त्यापैकी १४ पुजाऱ्यांना करोनाची बाधा झाली आहे. इतर पुजाऱ्यांची एक बैठक आज घेण्यात आली आहे. त्यामध्ये त्यांना आरोग्यविषयक सूचना देण्यात आल्या.