News Flash

धक्कादायक… ६० हजार लिटरहून अधिक ज्वलनशील Acid कंपन्यांनी नैसर्गिक स्रोतांमध्ये सोडलं

त्या परिसरातल्या रहिवाश्यांच्या आणि प्राण्यांच्या जीवाला आता मोठा धोका निर्माण झाला आहे.

या कंपन्यांनी हे धोकादायक अॅसिड नदी, नाले याचबरोबर मोकळ्या जागेतही सोडलं आहे. (प्रातिनिधिक छायाचित्र)

सगळ्यात घातक असं हायड्रोक्लोरिक अॅसिड रहिवासी भागात सोडण्याचा प्रकार केल्याचा आरोप दोन खासगी कंपन्यांवर केला जात आहे. अहमदाबादमध्ये ही घटना घडली आहे. या दोन कंपन्यांनी ६० हजार लीटरहून अधिक हायड्रोक्लोरिक अॅसिड, त्याच्यावर कोणतीही प्रक्रिया न करता रहिवासी भागात सोडण्याचा प्रयत्न केला आहे.

प्रदुषण नियंत्रण मंडळाला तपास करत असताना यासंदर्भातली माहिती मिळाली. गांधीनगरमधल्या कलोल शहरातल्या मेहसाना अहमदाबाद महामार्गावरच्या जनपथ पेट्रोलपंपाजवळ अधिकाऱ्यांना दोन टँकर्स संशयास्पद रितीने आढळले. ३१ मेच्या रात्री ही घटना उघड झाली.

आणखी वाचा- ‘जहां व्होट, वहा वैक्सिनेशन’! केजरीवाल सरकारने घेतला महत्त्वाचा निर्णय

अधिकाऱ्यांनी या टँकर्समधल्या पदार्थाची चाचणी केली. त्यावेळी त्यांच्या लक्षात आलं की यामध्ये तब्बल ६० हजार लीटर्स इतकं कोणतीही उत्सर्जन प्रक्रिया न केलेलं हायड्रोक्लोरिक अॅसिड आहे. दोन्ही टँकर्सच्या चालकांना ताब्यात घेतल्यानंतर त्यांच्याकडून माहिती मिळाली की हे टँकर्स एशियन ट्यूब लिमिटेड या कंपनीच्या कारखान्यामधून आलेले आहेत. हे अॅसिड वाटवा किंवा ओधव या भागातल्या तलावांमध्ये, गटारांमध्ये किंवा रिकाम्या जागेत सोडलं जात होतं.

आणखी वाचा- Search From Home: ‘फ्री पॉर्न’पेक्षा स्टॉक ‘ट्रेडिंग’मध्ये भारतीयांना रस; पाहा महाराष्ट्रातील ट्रेण्ड काय?

या प्रकरणातल्या तज्ज्ञांच्या म्हणण्यानुसार, अशा प्रकारे उत्सर्जन प्रक्रिया न केलेलं अॅसिड रहिवासी भागात सोडल्याने प्राण्यांना तसंच परिसरातल्या लोकांनाही गंभीर परिणाम भोगावे लागू शकतात. या चालकांनी सांगितलं की, एशियन ट्यूब कंपनीच्या मॅनेजरने या टँकर्सचा मालक जक्षी भरवाड याला वाटवा भागात हे टँकर्स घेऊन जायची सोय करण्यास सांगितलं. हे प्रकरण उघडकीस आल्यानंतर पोलिसांनी या कंपनीचे व्यवस्थापकीय संचालक बजरंग लाल अगरवाल आणि संचालक आदित्य अगरवाल, तसंच मॅनेजर बिपीन सुथार, त्याचबरोबर टँकरचा मालक जक्षी भरवाड आणि दोन्हीही चालकांना ताब्यात घेतलं आहे. . यासंदर्भातला अधिक तपास सध्या सुरु आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 7, 2021 1:29 pm

Web Title: 2 private firms endanger human animal lives dispose of 60000 litres of rejected acid in open area vsk 98
Next Stories
1 ‘जहां व्होट, वहा वैक्सिनेशन’! केजरीवाल सरकारने घेतला महत्त्वाचा निर्णय
2 शेतकरी गायीसह पोलीस ठाण्यात हजर, कारण…
3 जामा मशिदीच्या दुरुस्तीसाठी शाही इमामांचं पंतप्रधान मोदींना साकडं
Just Now!
X