पश्चिम बंगालमधील बीरभूम जिल्ह्य़ात आमोदपूर येथे एका घरात बॉम्बचा स्फोट होऊन तृणमूल काँग्रेसचे समर्थक असलेल्या दोन भावांचा मृत्यू झाला. शेख हफीझउल (वय २४) व त्याचा मोठा भाऊ शेख तारिक हुसने हे पहाटेच्यावेळी घरात स्फोट होऊन मरण पावले, असे पोलिस अधीक्षक मुकेश कुमार यांनी सांगितले. मृतांचा भाऊ जबीर हुसने हा तृणमूल काँग्रेसचा ग्रामपंचायत सदस्य असून तो व इतर कुटुंबीय स्फोटातून बचावले आहेत. या स्फोटाची तीव्रता एवढी मोठी होती की घराचा एक भागच उडाला. पोलिस या घटनेची चौकशी करीत आहेत.
