देशात दिवसेंदिवस करोनाबाधितांची संख्या वाढत आहे. त्यामुळे अनेक राज्यांमध्ये वैद्यकीय सुविधांची कमतरता भासू लागली आहे. त्यामुळे अनेक रुग्णांनी आपला जीव गमावल्याच्या घटनाही घडत आहे. अशातच कर्नाटकातली अजून एक घटना समोर आली आहे. काल म्हणजेच रविवारी रात्री कर्नाटकातल्या चामराजनगर जिल्ह्यात ऑक्सिजनच्या कमतरतेमुळे २४ रुग्णांचा मृत्यू झाल्याचं समोर आलं आहे. आणखी वाचा- दिरंगाईने घेतले २४ बळी; ऑक्सिजनअभावी रुग्णांचा तडफडून मृत्यू या घटनेवर काँग्रेस नेते राहुल गांधी यांनी संतप्त प्रतिक्रिया दिली आहे. आपल्या ट्विटमध्ये राहुल गांधी म्हणतात, मेले की मारलं? त्यांच्या कुटूंबियांबद्दल मी मनापासून संवेदना व्यक्त करतो. व्यवस्थेला जाग येण्याआधी अजून असा किती त्रास सहन करावा लागणार आहे? Died or Killed? My heartfelt condolences to their families. How much more suffering before the ‘system’ wakes up? pic.twitter.com/JrfZbIo7zm — Rahul Gandhi (@RahulGandhi) May 3, 2021 कर्नाटकचे मुख्यमंत्री बीएस येडियुरप्पा यांनी या प्रकरणाची चौकशी करण्याचे आदेश दिले आहेत. कर्नाटकच्या आरोग्यमंत्र्यांनीही या प्रकरणाबद्दल दुःख व्यक्त केलं आहे. तसेच लवकरच या प्रकरणाची स्वतः दखल घेत चौकशी करणार असल्याचंही त्यांनी सांगितलं.