News Flash

चीनमध्ये पावसाचे २५० बळी

हुबेई प्रांतात गेल्या काही दिवसांत पुराने ११४ बळी घेतले असून १११ लोक बेपत्ता आहेत.

| July 25, 2016 01:42 am

चीनमध्ये सुरू असलेला मुसळधार पाऊस व त्यामुळे आलेला पूर यांनी घातलेल्या थैमानात अडीचशेहून अधिक लोक ठार किंवा बेपत्ता झाले असून, सुमारे अडीच लाख लोक अद्यापही देशाच्या मध्यभागातील हुबेई प्रांतात अडकून पडले आहेत.

हुबेई प्रांतात गेल्या काही दिवसांत पुराने ११४ बळी घेतले असून १११ लोक बेपत्ता आहेत. याशिवाय हेनान प्रांतातील अन्यांग शहरात १८ जण मरण पावले असून नऊ जण बेपत्ता झाल्याची नोंद करण्यात आली आहे. मुसळधार पावसाने केलेल्या विध्वंसातील बळीसंख्या १३२ वर पोहोचली असून बेपत्ता लोकांची संख्या १२० आहे.

गेल्या आठवडय़ात हेनान प्रांतातील पावसामुळे सर्वत्र पूर येऊन वाहतूक, वीजपुरवठा आणि दळणवळण खंडित झाले. याचा सगळ्यात मोठा फटका बसलेल्या अन्यांग शहरातून १ लाख ९२ हजार ७०० लोकांना इतरत्र हलवण्यात आले, तर ५४६०० हेक्टर जमिनीवरील पिके नष्ट  झाली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 25, 2016 1:42 am

Web Title: 250 dead due to heavy rains in china
Next Stories
1 बांगलादेशात चार महिला दहशतवाद्यांना अटक
2 दहा लाख बेरोजगारांना अभियांत्रिकी महाविद्यालयात कौशल्य प्रशिक्षण
3 नेपाळचे पंतप्रधान के.पी. शर्मा ओली यांनी दिला राजीनामा
Just Now!
X