14 August 2020

News Flash

३० एप्रिलपर्यंत पॉझिटिव्ह असणाऱ्या २८ टक्के रुग्णांमध्ये करोनाची कुठलीही लक्षणं नव्हती-स्टडी रिपोर्ट

लक्षणे नसलेल्या रुग्णांकडून फैलाव झाल्याची शक्यता

प्रातिनिधिक फोटो

लॉक़डाउन सारख्या उपायोजना करुनही भारतात करोना व्हायरसच्या रुग्णांची संख्या कमी होत नाहीय. २२ जानेवारी ते ३० एप्रिल दरम्यान भारतात एकूण ४०,१८४ करोना पॉझिटिव्ह रुग्ण होते. त्यात २८ टक्के रुग्ण करोना पॉझिटिव्ह असले तरी, त्यांच्यामध्ये करोनाची कुठलीही लक्षणे आढळली नव्हती. करोनाची अत्यंत सौम्य किंवा लक्षणे न आढळलेल्या व्यक्तींकडून या आजाराचा फैलाव झाल्याची शक्यता आहे. टाइम्स ऑफ इंडियाने हे वृत्त दिले आहे.

इंडियन काऊन्सिल ऑफ मेडिकल रिसर्चच्या वैज्ञानिकांनी अन्य संस्थांसोबत मिळून केलेल्या पाहणीतून ही बाब समोर आली आहे. एकूण करोनाबाधितांपैकी ५.२ टक्के आरोग्य क्षेत्रातील कर्मचारी होते असे इंडियन जनर्ल ऑफ मेडिकल रिसर्चमध्ये प्रसिद्ध झालेल्या स्टडी रिपोर्टमध्ये म्हटले आहे. करोनाची लागण झालेल्या पण लक्षणे न दिसणाऱ्या रुग्णांची संख्या २८ टक्क्यापेक्षा जास्त असू शकते. हीच चिंतेची मुख्य बाब आहे असे नॅशनल इन्स्टियूट ऑफ एपिडेमियोलॉजीचे संचालक डॉक्टर मनोज मुरहीकर यांनी सांगितले.

२२ जानेवारी ते ३० एप्रिल दरम्यान १०,२१,५१८ नागरिकांची करोना व्हायरसची चाचणी करण्यात आली. मार्च महिन्याच्या सुरुवातीला दिवसाला २५० नागरिकांची चाचणी व्हायची. एप्रिल अखेरीस दिवसाला चाचण्यांचे प्रमाण ५० हजार होते. ३० एप्रिलला देशभरात करोनाची बाधा झालेल्या रुग्णांची संख्या ४०,१८४ होती. त्यात २८ टक्के पॉझिटिव्ह असूनही लक्षणे न दिसणारे रुग्ण होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 30, 2020 6:03 pm

Web Title: 28 of covid 19 cases in india till april 30 were asymptomatic dmp 82
टॅग Coronavirus
Next Stories
1 मोदी त्यांचा मूड देशाला नाही तर ट्रम्प यांना सांगतात; असदुद्दीन ओवेसी यांचा सरकारवर हल्लाबोल
2 परराष्ट्र मंत्रालयातील दोन कर्मचाऱ्यांना करोनाची लागण; संपर्कात आलेले क्वारंटाइनमध्ये
3 जॉर्ज फ्लॉयड यांच्या मृत्यूनंतर अमेरिकेच्या वेगवेगळया शहरात दंगली, हिंसाचार
Just Now!
X