27 September 2020

News Flash

हेलिकॉप्टर दुर्घटनेतील तिघांचे मृतदेह सापडले

अरुणाचल प्रदेशात आठ दिवसांपूर्वी पवनहंस हेलिकॉप्टर बेपत्ता झाले होते. त्या दुर्घटनेतील तीन जणांचे मृतदेह तिरप जिल्ह्य़ात सापडले आहेत.

| August 13, 2015 02:56 am

अरुणाचल प्रदेशात आठ दिवसांपूर्वी पवनहंस हेलिकॉप्टर बेपत्ता झाले होते. त्या दुर्घटनेतील तीन जणांचे मृतदेह तिरप जिल्ह्य़ात सापडले आहेत. जास्त उंचीवरील भागात युद्धतंत्राचा सराव करणाऱ्या संस्थेच्या कमांडोंना हे मृतदेह सापडले. त्यात तिरपचे उपआयुक्त कमलेश कुमार जोशी व वैमानिक एम.एस.ब्रार व राजीव होस्कोटे यांचा समावेश आहे. पोलिस महासंचालक एस नित्यानंदम यांनी सांगितले, की एचएडब्ल्यूएस या जम्मू-काश्मीरच्या कमांडो पथकाला हेलिकॉप्टर दुर्घटनाग्रस्त झालेल्या पर्वतीय भागात उतरवण्यात आले होते. वातावरण प्रतिकूल नसल्याने त्यांना मृतदेहांचा शोध घेता आला. हे मृतदेह कमांडोजनी उचलून खोन्सा येथे आणले, तेथून ते हेलिकॉप्टरने नेले जाणार आहेत, असे मुख्य सचिव रमेश नेगी यांनी सांगितले. तिरप व चांगलांग जिल्ह्य़ात आसाम रायफल्स, लष्कर, पोलिस, भारतीय हवाई दलाची एमआय १७ व चित्ता हेलिकॉप्टर, सुखोई विमाने यांनी शोध घेतला. जोशी यांच्या पत्नी नेहा व बंधू मेजर राजेश जोशी हे ६ ऑगस्टपासून खोन्सा येथे तळ ठोकून होते. प्रथम हेलिकॉप्टरचा मागचा भाग सांगलिम पासून ४-५ कि.मी. अंतरावर दिसला होता, तेथे दाट जंगल आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 13, 2015 2:56 am

Web Title: 3 bodies found in helicopter crash
Next Stories
1 सर्वोच्च न्यायालाचा दयानिधी मारन यांना दिलासा
2 चीनमध्ये शक्तीशाली स्फोटात ४४ मृत्युमुखी, शेकडो जखमी
3 गुगलच्या सीईओपदी सुंदर पिचाई
Just Now!
X