श्रीनगरच्या बर्बरशाह भागात दहशतवाद्यांनी शनिवारी सुरक्षा दलांवर केलेल्या हातबॉम्ब हल्ल्यात किमान ३ नागरिक जखमी झाले. क्रालखुद पोलीस ठाण्याच्या हद्दीतील बर्बरशाह भागात सायंकाळी ६ वाजताच्या सुमारास दहशतवाद्यांनी केंद्रीय राखीव पोलीस दल (सीआरपीएफ) व जम्मू- काश्मीर पोलीस यांच्या संयुक्त पथकावर हातबॉम्ब फेकला. त्याचा रस्त्याशेजारी स्फोट होऊन ३ नागरिक जखमी झाले. सुरक्षा दलांनी या भागाला वेढा घालून हल्लेखोरांचा शोध सुरू केला.
