दंतेवाडा-सुकमा सीमेवर सुरक्षा दलांसोबत झालेल्या चकमकीत ३ नक्षली ठार झाले आहेत. या चकमकीत डीआरजी असिस्टंट कॉन्स्टेबल हितेंद्र पुजारी जखमी झाले आहेत. त्यांना रूग्णालयात उपचारासाठी दाखल करण्यात आले आहे. त्यांची प्रकृती स्थिर आहे असे समजते आहे. पोलिसांनी या ठिकाणाहून एक 303 रायफल आणि इतर हत्यारे आणि काडतुसे जप्त केली आहेत. एएनआयने या संदर्भातले वृत्त दिले आहे. 3 naxals killed in encounter with security forces in Dantewada-Sukma border: One .303 rifle among the weapons seized from the spot. Condition of the injured DRG Assistant Constable Hirendra Poojari is stable. #Chhattisgarh pic.twitter.com/VsKPquevfB— ANI (@ANI) July 6, 2018 चकमकीदरम्यान तीन नक्षली ठार झाल्याची माहिती डीआयजी पी सुंदरराज यांनी दिली आहे. दंतेवाडा या ठिकाणी नक्षली आणि सुरक्षा दलांची चकमक झाली या चकमकीत तीन नक्षलवादी ठार झाले तर सुरक्षा दलाचा एक जवान जखमी झाला अशी माहिती प्रसारमाध्यमांना दिली. याआधी ४ जुलैला नारायणपूर जिल्ह्यातील संयुक्त पोलीस दलाने जंगलात शोध मोहिम सुरु केली होती. या मोहिमेदरम्यान २ नक्षल्यांना ठार करण्यात त्यांना यश आले होते. तसेच ४ जुलैलाही मोठ्या प्रमाणावर हत्यारे आणि काडतुसे गोळा करण्यात आली होती अशी माहिती पुढे येते आहे.