News Flash

जानेवारी महिन्यात जीएसटी वसुलीत ३८५ कोटींची तूट

जानेवारीत८६.३१८ कोटी रूपये जीएसटीची वसुली करण्यात आली.

( संग्रहीत छायाचित्र )

वस्तू आणि सेवा कर (जीएसटी) वसुलीत जानेवारी महिन्यात किरकोळ घट झाल्याचे दिसते. जानेवारीत एकूण ८६.३१८ कोटी रूपये जीएसटीची वसुली करण्यात आली. डिसेंबरच्या तुलनेत सुमारे ३८५ कोटींनी कमी आहे. डिसेंबरमध्ये ८६,७०३ कोटी रूपये जीएसटी वसूल करण्यात आला होता. अर्थ मंत्रालयाने दिलेल्या माहितीनुसार २५ फेब्रुवारीपर्यंत मिळालेल्या आकडेवारीनुसार जानेवारीमध्ये एकूण ८६,३१८ जीएसटी वसूल करण्यात आला होता. यापूर्वी नोव्हेंबर आणि ऑक्टोबरमध्येही जीएसटी वसुलीत घट झाली होती.

मंत्रालयाने म्हटले की, दि. २५ फेब्रुवारीपर्यंत जीएसटी अंतर्गत १.०३ कोटी करदात्यांची नोंदणी झाली आहे. यामध्ये १७.६५ लाख कम्पोझिशन डीलर आहेत, ज्यांनी प्रत्येक तिमाहीमध्ये रिटर्न दाखल करण्याची आवश्यकता असते. यातील १.२३ लाख कंपोझिशन डिलर योजनेतून बाहेर गेले असून ते आता नियमित करदाता बनले आहेत. २५ फेब्रुवारीपर्यंत १६.४२ लाख कंपोझिशन डिलर होते. ज्यांनी प्रत्येक तिमाहीला रिटर्न दाखल करणे सक्तीचे आहे. उर्वरित ८७.०३ लाख करदात्यांना मासिक रिटर्न दाखल करण्याची आवश्यकता आहे.

अर्थ मंत्रालयाने म्हटले की, २५ फेब्रुवारी २०१८ पर्यंत जानेवारी महिन्यासाठी ५७.७८ लाख जीएसटीआर ३ बी रिटर्न दाखल करण्यात आले. हे एकूण करदात्यांच्या ६९ टक्के इतके प्रमाण आहे. त्यांना मासिक रिटर्न दाखल करण्याची आवश्यकता नाही. जानेवारीमध्ये एकूण जीएसटी कर वसुलीतील १४,२३३ कोटी रूपये सीजीएसटी, १९,९६१ कोटी रूपये हे एसजीएसटी, ४३,७९४ कोटी रूपये आयजीएसटी तसेच ८,३३१ कोटी रूपये उपकराच्या रूपात गोळा करण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 28, 2018 3:08 pm

Web Title: 385 crore deficit in gst recovery in january
Next Stories
1 सुप्रीम कोर्टाची बोगस वेबसाईट; वडिलांपायी १४ वर्षांच्या मुलाचा प्रताप
2 आईचा अपमान, पलक मुछालने मंचावरच गाणे थांबवले
3 दिल्ली: लग्नात फायरिंग, गोळी लागल्याने नवरदेवाचा मृत्यू
Just Now!
X