इजिप्तच्या नैर्ऋत्येकडील गिझा शहरातील तपासणी नाक्यावर मोटारसायकलवरून आलेल्या दोन दहशतवाद्यांनी केलेल्या हल्ल्यात किमान चार पोलीस ठार झाल्याचे वृत्त आहे. चेहऱ्यावर बुरखा घातलेल्या दहशतवाद्यांनी पर्यटकांची गर्दी असलेल्या सक्करा भागांतील तपासणी नाक्यावर पोलिसांवर हल्ला केला, असे सुरक्षारक्षकांनी सांगितले. हल्लेखोरांचा शोध घेण्यात येत आहे. इजिप्तचे माजी अध्यक्ष होस्नी मुबारक यांचे सरकार उलथून टाकल्यानंतर जानेवारी २०११ पासून इजिप्तमध्ये दहशतवाद्यांकडून सातत्याने हल्ले केले जात आहेत.
