07 April 2020

News Flash

मुसळधार पावसामुळे भूस्खलन; बांगलादेशात ५३ जण ठार

बंगलाच्या उपसागरात कमी दाबाचा पट्टा निर्माण झाल्याने पावसाचा कहर

अमेरिकेतील कोलोरॅडोमध्ये गोळीबार; दोघांचा मृत्यू

लष्करातील दोन अधिकाऱ्यांचा समावेश

बांगला देशामध्ये मुसळधार पावसामुळे अनेक ठिकाणी भूस्खलन होऊन त्यामध्ये लष्करातील दोन अधिकाऱ्यांसह ५३ जण ठार झाल्याचे वृत्त आहे. भूस्खलनामुळे अनेक ठिकाणी चिखल साचला असून त्याखाली अनेक जण गाडले गेल्याची भीती व्यक्त केली जात असल्याने मृतांची संख्याही वाढण्याची शक्यता वर्तविण्यात येत आहे.

बांगला देशच्या रंगमती जिल्ह्य़ात सर्वाधिक म्हणजे ३६ जण ठार झाले असून लष्कराचे दोन अधिकारीही येथेच ठार झाले आहेत. तर अन्य कर्मचारी जखमी झाले आहेत इतकीच माहिती सध्या देऊ शकत असल्याचे लष्कराच्या प्रवक्त्याने सांगितले.

रात्रभर झालेल्या पावसामुळे भूस्खलन होऊन रस्त्यावर चिखल साचल्याने रंगमती जिल्ह्य़ास जोडणारा रस्ता मोकळा करण्यासाठी लष्कराला पाचारण करण्यात आले होते. रस्ता मोकळा करण्याचे काम सुरू असतानाच भूस्खलन होऊन त्या खाली ते गाडले गेले, असे प्रवक्त्याने सांगितले. रंगमती, बंदरबन आणि चितगाँव येथे आतापर्यंत ५३ जण ठार झाल्याचे वृत्त ‘ढाका ट्रिब्यून’ने दिले आहे.

चितगाँवच्या रंगुनिया आणि चंदानाइश उपजिल्ह्य़ांमध्ये ११ जण, बंदरबनमध्ये सहा जण ठार झाल्याचे पोलिसांनी सांगितले. हजारो टन चिखलाखाली अनेक जण गाडले गेल्याची भीती व्यक्त करण्यात येत असल्याने लष्कराच्या जवानांना पाचारण करण्यात आले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 13, 2017 2:20 pm

Web Title: 42 people killed in bangladesh because of landslide
Next Stories
1 मी दहशतवादी नाही, लाहोरहून आलो नाही; हार्दिक पटेल संतापला
2 विजय मल्लयाला ४ डिसेंबरपर्यंत जामीन, पत्रकारांसोबत मल्ल्याची हुज्जत
3 ‘कोणाच्याही खानपानाच्या सवयींवर सरकारचा अंकुश नाही’
Just Now!
X