काश्मीर खोऱ्यात पुन्हा एकदा दहशतवाद्यांनी डोकं वर काढलं असून दक्षिण काश्मीरमधील पंपोर येथे दहशतवाद्यांनी केलेल्या गोळीबारात सीआरपीएफचे दोन जवान शहीद झाले आहेत. तर तीन जवान जखमी झाले आहेत. जखमींवर जिल्हा रुग्णालयात उपचार सुरु आहेत.
#UPDATE Of the five CRPF jawans, who were injured after terrorists fired upon the Force’s road opening party (ROP), two jawans lost their lives. More details awaited. #JammuAndKashmir https://t.co/zIZ5pHKXw2
— ANI (@ANI) October 5, 2020
एएनआयच्या वृत्तानुसार, पंपोर बायपास येथे गस्तीवर असणाऱ्या सीआरपीएफच्या रोड ओपनिंग पार्टीच्या (आरओपी) पथकावर काही दहशतवाद्यांनी अचानक गोळीबार सुरु केला. यामध्ये पाच जवान जखमी झाले होते, त्यांना उपचारांसाठी जिल्हा रुग्णालयात दाखल करण्यात आलं होतं. दरम्यान, उपचार सुरु असताना दोन जवानांचा मृत्यू झाला.
दहशतवादी हल्ल्यानंतर येथील महामार्गावरील वाहतूक थांबवण्यात आली आहे.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on October 5, 2020 2:29 pm
