News Flash

नौदल जहाजाच्या धडकेने ट्रॉलर बुडून सहा मच्छिमार बेपत्ता

गोव्याच्या काणकोण किनाऱ्यापासून ४७ सागरी मैल अंतरावर खोल समुद्रात गुरुवारी पहाटे नौदलाची एक बोट मासेमारी करणाऱ्या ‘अ‍ॅना मारिया’ या ट्रॉलरवर आदळून झालेल्या भीषण अपघातात ट्रॉलरवरील

| April 26, 2013 05:09 am

गोव्याच्या काणकोण किनाऱ्यापासून ४७ सागरी मैल अंतरावर खोल समुद्रात गुरुवारी पहाटे नौदलाची एक बोट मासेमारी करणाऱ्या ‘अ‍ॅना मारिया’ या ट्रॉलरवर आदळून झालेल्या भीषण अपघातात ट्रॉलरवरील २३ जण समुद्रात बुडाले. त्यातील १७ जणांना स्वतचा जीव वाचविता आला असला तरी सहाजण बेपत्ता झाले आहेत. त्यांच्या शोधासाठी तटरक्षक आणि नौदलाने तातडीने मोहीम हाती घेतली आहे.
ही धडक इतकी जोरदार होती की ट्रॉलरचे दोन तुकडे झाले त्यामुळे मदतीसाठी संपर्क साधणेही ट्रॉलरवरील लोकांना जमले नाही, असे बचावलेल्या एका मच्छिमाराने सांगितले.
दक्षिण गोव्याच्या कटबोना मासेमारी धक्क्य़ावरून बुधवारी रात्री हा ट्रॉलर मासेमारीसाठी समुद्रात उतरला होता. ट्रॉलरवर प्रखर दिवे होते त्यामुळे अन्य कोणत्याही जहाजाला ट्रॉलर दिसणे अशक्य नव्हतेच, असा दावा या ट्रॉलरवरील कृष्णा शिवपुंडी या कर्मचाऱ्याने केला. ट्रॉलर बुडताच सर्व मच्छिमार जीवरक्षक जॅकेट घालून स्वतच्या बचावासाठी पाच तास खोल समुद्रात धडपडत होते. तटरक्षक दलाच्या मदतबोटींनी उशिराने का होईना, पण धाव घेतल्यानंतर त्यांचे प्राण वाचले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 26, 2013 5:09 am

Web Title: 6 fisherman missing after navy ship hited to trawler
Next Stories
1 मोदींविरोधात पुरावे नाहीत
2 अमेरिकेची चीनकडे मागणी
3 कर्नाटकात भाजपचा भ्रष्टाचारात विश्वविक्रम – राहुल गांधी यांची धारदार टीका
Just Now!
X