केंद्रीय राखीव सुरक्षा बलाच्या (सीआरपीएफ) जवानाने आत्महत्या केल्याची घटना हैदराबादमधील जवाहरनगर येथे घडली आहे. बबन विठ्ठलराव मनवर असे या जवानाचे नाव आहे. आपल्या सर्विस रायफलने स्वतःवर गोळी झाडून त्यांनी आत्महत्या केल्याची माहिती समोर आली आहे.

आत्महत्येचे नेमके कारण अद्याप समजू शकलेले नाही. पोलिसांनी या प्रकरणाची नोंद करून घेतली असून, पुढील तपास सुरू आहे. स्थानिक माध्यमांनी दिलेल्या माहितीनुसार बबन मनवर हे मुळचे नागपूर जिल्ह्यातील पवन नगर येथील होते. २००४ मध्ये ते सीआरपीएफमध्ये भरती झाले होते.

या अगोदर छत्तीसगड सशस्त्र दल (सीएएफ) चे जवान अनिल यादव यांनी ओरछा पोलीस ठाण्याच्या हद्दीत आपल्या सर्विस रायफलने स्वतःवर गोळू झाडून आत्महत्या केल्याची धक्कादायक घटना समोर आली होती.