बिहारमध्ये कायदा आणि सुव्यवस्थेचा कसा बोजवारा उडालाय हे पुन्हा एकदा समोर आले आहे. खंडणी देण्यास नकार दिल्याने एका महिलेला गुंडांनी भररस्त्यात मारहाण केल्याचं समोर आलं आहे. ही महिला एका खासगी शाळेची मालकीण आहे. घटना सीसीटीव्ही कॅमेरात कैद झाली असून त्यात हे गुंड हवेत गोळीबार करतानाही दिसत आहेत. शनिवारी 4 ते 5 जणांच्या टोळक्याने शाळेसमोरच महिलेवर हल्ला चढवला. तिला मारहाण करण्यात आली आणि धमकी देवून व हवेत गोळीबार करुन आरोपी तेथून फरार झाले. महिलेकडे आरोपींनी खंडणीची मागणी केली होती, पण तिने खंडणी देण्यास नकार दिल्यानंतर तिच्यावर हल्ला करण्यात आला व मारहाण झाली असं वृत्त एएनआय या वृत्तसंस्थेने दिलं आहे. दरम्यान, पोलिसांकडून आरोपींचा शोध सुरू करण्यात आला असून लवकरच अटक केली जाईल अशी माहिती पोलिसांनी दिली. पाहा व्हिडीओ - #WATCH: A group of men assault a private school owner & fire at the school building yesterday, after she refused to pay extortion money ; ASI Saharsa, Bihar says,' Further investigation is underway, arrests will be made.' (Source: CCTV) pic.twitter.com/k9PbtNU4ls — ANI (@ANI) January 13, 2019