News Flash

नोट छापण्याची मशीन विकण्याचं अमिष दाखवत पोलिसाच्या मुलाला 46 लाखांचा गंडा

मशीन विकत घेण्यासाठी सहाय्यक पोलीस उपनिरीक्षकाच्या मुलाने मित्र आणि नातेवाईकांकडून पैसे उधार घेतले होते

नोट छापण्याची मशीन विकण्याचं अमिष दाखवत पोलीस कर्मचाऱ्याच्या मुलाची 46 लाखांची फसवणूक करण्यात आल्याची घटना समोर आली आहे. दिल्लीमध्ये ही घटना घडली आहे. नोट छापण्याची मशीन विकत घेण्यासाठी सहाय्यक पोलीस उपनिरीक्षकाच्या मुलाने मित्र आणि नातेवाईकांकडून पैसे उधार घेतले होते. पण आरोपींनी 46 लाख घेऊन पळ काढला आणि आपली फसवणूक झाल्याचं त्याच्या लक्षात आलं. पोलिसांनी याप्रकरणी दोघांना अटक केली आहे. दोघे आरोपी मुंबईचे रहिवासी आहेत.

काही दिवसांपूर्वी सहाय्यक पोलीस उपनिरीक्षकाचा मुलगा बेपत्ता झाला असल्याचं समोर आलं होतं. यानंतर त्याचा शोध घेण्यासाठी सर्च ऑपरेशन सुरु कऱण्यात आलं. अखेर वृंदावन येथे मुलाचा शोध लागला. भीतीपोटी ते तिथे लपून बसला होता. चौकशी केली असता त्याने घडलेला प्रकार सांगितला आणि आपली दोघांनी फसवणूक केली असल्याची माहिती दिली.

अटक कऱण्यात आलेल्या आरोपींची नावे विमल राजेश पाटील आणि सुरज कुमार आहेत. दोघेही एका गँगचा भाग आहेत. ही गँग देशभरात सक्रीय असून नोट छापण्याची मशीन विकण्याचं अमिष दाखवत लोकांची फसवणूक करते. पोलिसांनी दिलेल्या माहितीनुसार, एकदा पैसे मिळाले की गँग मशीन खराब झाली असल्याचं सांगत अजून थोडा वेळ देण्याची विनंती करते आणि पसार होते.

आरोपी विमल पाटील आणि सुरज कुमार यांनी दिल्ली न्यायालयात हजर केला असता पोलीस कोठडी सुनावण्यात आली. पीडित तरुणाने लोकांकडून पैसे उधार घेतले असल्याने भीतीपोटी पळ काढला होता असं पोलिसांनी सांगितलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 28, 2019 11:06 am

Web Title: a police son pays 46 lakhs for note printing machine duped by gang
Next Stories
1 काँग्रेस कार्यकर्तेही माझ्याबरोबर: नितीन गडकरी
2 बॉलिवूड भीतीपोटी नरेंद्र मोदींना समर्थन देत आहे – प्रिया दत्त
3 दहशतवाद्यांना चीनकडून संरक्षण, ही दांभिकता जगाला परवडणारी नाही; अमेरिकेने खडसावले
Just Now!
X