सध्या देशात राम मंदिर, रामाचा पुतळा, प्रभू रामचंद्र हे सगळेच विषय सुरु आहेत. मंदिर कधी बांधले जाणार? हा प्रश्नही विचारला जातो आहे. अशात भारतीय रेल्वेने रामायण एक्स्प्रेसची घोषणा केली आहे. रामायण एक्स्प्रेस प्रभू रामचंद्राशी संबंधित सगळ्या स्थळांची यात्रा करणार आहे. यामध्ये श्रीलंकेतील काही ठिकाणांचाही समावेश असणार आहे. तसेच ही एकूण १६ दिवसांची सहल असणार आहे असे भारतीय रेल्वेने स्पष्ट केले आहे. १६ दिवसांची ही पॅकेज टूर असणार आहे. एक टूर जाऊन आली की मग दुसरी जाणार आहे. दिल्लीहून या एक्स्प्रेसला हिरवा कंदिल दाखवला जाईल. A Shri Ramayana Express will be flagged off on 14th November 2018 from Delhi. The train will cover all important destinations associated with the life of Lord Ram in 16 days all-inclusive tour package which is spread both in India as well as Sri Lanka: Indian Railways — ANI (@ANI) November 12, 2018 एकीकडे देशात प्रभू रामचंद्रांचे मंदिर उभारले जाणार, पुतळा उभारला जाणार असे म्हटले जाते आहे. योगी आदित्यनाथ यांनीही शरयू नदीच्या किनारी रामाच्या पुतळ्याची घोषणा केली आहे. तर राम मंदिरासाठी अध्यादेश काढला जावा असे म्हटले जाते आहे. अशात आता भारतीय रेल्वेने रामायण एक्स्प्रेसची घोषणा केली आहे. या पॅकेज टूरचे शुल्क किती असेल? हे अद्याप स्पष्ट झालेले नाही. तसेच या एक्स्प्रेसला हिरवा झेंडा कोण दाखवणार? हेदेखील ठरलेले नाही. मात्र या एक्स्प्रेसला चांगला प्रतिसाद मिळण्याची शक्यता आहे.