10 August 2020

News Flash

अरूण जेटलींच्या घराबाहेर भाजप-‘आप’ कार्यकर्त्यांमध्ये बाचाबाची

केजरीवाल सरकारवर अरुण जेटली यांनी जोरदार टीका केली होती. याच्या निषेधार्थ 'आप' कार्यकर्ते जेटलींच्या निवासस्थानी निदर्शनासाठी पोहोचले असल्याचे समजताच लगेच त्याठिकाणी भाजपचेही कार्यकर्ते जमले

| February 4, 2014 02:44 am

आम आदमी पक्षाचे दिल्लीतील सरकार पाडण्यासाठी भारतीय जनता पक्ष (भाजप) कसून प्रयत्न करत असल्याचा आरोप ‘आप’ने केल्यानंतर आज (मंगळवार) दिल्लीतील कैलाश कॉलीनी येथील भाजप नेते अरुण जेटली यांच्या निवासस्थाना बाहेर आम आदमी कार्यकर्त्यांनी जोरदार निषेधात्मक निदर्शने केली.
केजरीवाल सरकारवर अरुण जेटली यांनी जोरदार टीका केली होती. याच्या निषेधार्थ ‘आप’ कार्यकर्ते जेटलींच्या निवासस्थानी निदर्शनासाठी पोहोचले असल्याचे समजताच लगेच त्याठिकाणी भाजपचेही कार्यकर्ते जमले आणि केजरीवालांविरोधात घोषणाबाजी करून लागले. दरम्यान, भाजप आणि आप कार्यकर्त्यांमध्ये बाचाबाची झाली. पोलिसांनी आणि जेटलींच्य निवासस्थानाबाहेरील सुरक्षा रक्षकांनी दोन्ही पक्षाच्या कार्यकर्त्यांना शांत करण्याचे प्रयत्न केले.
भाजपचे ‘आप’ल्याविरुद्ध कटकारस्थान; मोदी, जेटलींवर आरोप
यावेळी लोकसभा निवडणुका लक्षात घेऊन आम आदमी पक्षाकडून अरुण जेटलींवर निरर्थक आरोप केले जात असल्याचे भाजप नेते हरिश खुराना यांनी म्हटले आहे.
दिल्लीतील आम आदमी पक्षाचे सरकार पाडण्यासाठी भारतीय जनता पक्षाचे पंतप्रधानपदाचे उमेदवार नरेंद्र मोदी आणि नेते अरूण जेटली हे कटकारस्थान रचत असल्याचा आरोप सोमवारी ‘आप’चे नेते संजय सिंग यांनी केला होता.
‘आप’ भ्रष्टांच्या यादीत सोनिया, मोदी पक्षातील भ्रष्ट

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 4, 2014 2:44 am

Web Title: aap and bjp workers indulge in protest drama outside jaitleys residence
Next Stories
1 मुंबई स्फोटातील आरोपी आणि भटकळ बंधूंचा साथीदार अबुधाबीत अटकेत
2 बँकासाठी धोक्याची ‘विण्डो’!
3 संशोधनावर अधिक खर्च होण्याची गरज
Just Now!
X